செபாஸ்டியன் சீமான் முஸ்லிம்களுக்குப் பரிந்து பேசுவது ஏன் – யாசின் மாலிக்கின் தூண்டுதலா, இலங்கை முஸ்லிம்களுக்கு ஆதரவா?

செபாஸ்டியன் சீமான் முஸ்லிம்களுக்குப் பரிந்து பேசுவது ஏன் – யாசின் மாலிக்கின் தூண்டுதலா, இலங்கை முஸ்லிம்களுக்கு ஆதரவா?

எல்டிடிஇ.ஐ எதிர்க்கும் முஸ்லிம் இயக்கத்தாரிடம் மன்னிப்புக் கேட்டு,  பிரபாகரனை தூஷிக்கும் கும்பலோடு கூட்டு ஏன்?: ஒரு முஸ்லிம் இணைத்தளம் இப்படி கூரியுள்ளது[1], “இனி இரு தரப்பிலும் நிகழ்ந்த கடந்தகால கசப்புகளை பெருந்தன்மையோடு மறந்துவிட்டு, அடுத்தக் கட்டத்தை நோக்கி நகர வேண்டும் என்றும், இது குறித்து இலங்கை முஸ்லிம் தலைமைகளையும், ஈழத் தமிழர்களின் பிரதிநிதிகளையும் நமது முன்னிலையில் சந்திக்க வைத்து புரிந்துணர்வை ஏற்படுத்த வேண்டும் என்றும் கொள்கை அளவில் ஒப்புக் கொள்ளப்பட்டது”. இதனிடையே ஜனவரி 16, 2011 அன்று திருச்சியில் தமுமுக சார்பில் ஏற்பாடு செய்யப்பட்ட அயோத்தி தீர்ப்பும் தேசிய அவமானமும் என்ற கருத்தரங்கில் சீமானும் அழைக்கப்பட்டிருந்தார். அதில் பேசிய சீமான், “கடந்த காலத்தில் புலிகள் & முஸ்லிம்கள் இருதரப்பிலும் தவறுகள் நடந்துள் ளன. புலிகள் சார்பில் நடைபெற்ற தவறுகளுக்காக மன்னிப்பு கேட்டுக் கொள்கிறேன். மறந்துவிடுங்கள். அதை மன்னித்து விடுங்கள். புலிகள் முஸ்லிம்களுக்கு எதிரான கொள்கையுடையவர்களாக இருந்திருந்தால் நானும், அண்ணன் கொளத்தூர் மணியும் புலிகளை ஆதரித்திருக்கவே மாட்டோம் என்று பகிரங்கமாகப் பேசியதும்”, அரங்கமே அதை வரவேற்று ஆதரித்தது.

புலிகள் முஸ்லிம்களுக்கு எதிரான கொள்கையுடையவர்களாக இருந்திருந்தால் நானும்,  அண்ணன் கொளத்தூர் மணியும் புலிகளை ஆதரித்திருக்கவே மாட்டோம்: 2011ல் இப்படி பேசிய சீமான், இப்பொழுது 2013ல் முஸ்லிம்களுக்குப் பரிந்து பேசுகிறார் என்றால், இந்தியத் தமிழர், இலங்கைத் தமிழர் மற்ற எல்லாத் தமிழர்களும் புரிந்து கொள்ள வேண்டும். செபாஸ்டியன் சீமான் கிருத்துவராக இருந்துதான் செயல்பட்டு வந்து, இலங்கைத் தமிழர்களுக்காகப் போராடுகிறேன் என்று வெளிநாடுகளிலும் இவரது தீவிரவாத தொடர்புகளால் நாடு கடத்தப்பட்டார். பிறகு, வெளிநாடுகளில், இனிமேல் தனது பிரச்சாரம், விளம்பரம், படோபடம் முதலியவை எடுபடாது என்றதும், உள்நாட்டில் இந்தியத் தமிழர்களைக்  குழப்ப ஆரம்பித்தார். பிறகு அதுவும் எடுபடவில்லை என்றதும், முஸ்லிம்களுக்குத் துணைபோகலாம் என்று தீர்மானித்துள்ளார் போலும். அதாவது, இலங்கைத் தமிழரை “இந்துக்கள்” என்று தனிமைப் படுத்தி விட்டப் பிறகு, இனி முஸ்லிம்களை தாஜா செய்தால், வேறுவிதமாக ஆதரவு, பலன், அரபு நாடுகளில் அழைப்பு-பிரயாணம் முதலியவை கிடைக்கும் என்ற எண்ணத்தில் முடிவு செய்து விட்டார் போலும்.

செபாஸ்டியன் சீமான் வெளியிட்டுள்ள அறிக்கையில் புதியது எதுவும் இல்லை: ஏற்கெனவே பெஙளூரில் நடந்த கூட்டம் மற்றும் “தி ஹிந்து”வில் வெளிவந்துள்ள செய்திகளைத் தாம், இவர் தனது அறிக்கை என்று வெளியிட்டுள்ளார். போலீஸாரின் வேலைக்கு எதிராக எப்படி முஸ்லிம் இயக்கங்கள் பிரச்சாரத்தை முடிக்கிவிட்டிருக்கின்றன என்பதனை ஏற்கெனவே விவரமாக இக்கட்டுரையில் விளாக்கியுள்ளேன்[2]. “ஆள்-கொணர்வு மனு” தாக்கல் செய்த பிறகு, சட்டப்படித்தானே, நடவடிக்கை எடுக்கப்படும். பிறகு ஏன் இப்பொழுது, சீமான் உருவில் அந்த ஆதரவு வரவேண்டும்? அதிலும் குறிப்பாக கடலூர் பிரச்சினைக்குப் பிறகு வரவேண்டும்.

ஏற்கெனெவே உள்ள மாவை திருப்பி அரைக்கும் சீமான் கூட்டம்: நாம் தமிழர் கட்சி தலைவர் சீமான் வெளியிட்டுள்ள அறிக்கையில்[3] கூறியிருப்பதாவது[4]: “கர்நாடக மாநிலம் மல்லேஸ்வரத்தில் நடந்த குண்டு வெடிப்பு சம்பவம் தொடர்பாக தமிழ்நாட்டில், குறிப்பாக கோவையில் வசிக்கும் முஸ்லீம் இளைஞர்கள் கைது செய்யப்பட்டு, விசாரணை என்ற பெயரில் துன்புறுத்தப்படுவதும், பிறகு அவர்கள் தொடர்பற்றவர்கள் என்று கூறி விடுதலை செய்யப்படுவதும் சமீப நாட்களில் தொடர்ந்து நடந்து வருகிறது. கடந்த ஏப்ரல் மாதம் 17-ம் தேதி நடந்த மல்லேஸ்வரம் குண்டு வெடிப்பு தொடர்பாக இதுவரை 14 முஸ்லீம் இளைஞர்கள் தமிழ்நாட்டில் கைது செய்யப்பட்டு, விசாரணைக்காக கர்நாடக காவல் துறையின் பிடியில் உள்ளனர். கைது செய்யப்படுவதற்கு முன்னர், கோவை கோட்டை மேடு பகுதியில் சோதனை என்ற பெயரில் வந்த கர்நாடக காவல் துறையினர், கைது செய்ய திட்டமிட்டிருந்த இளைஞர்களின் வீடுகளில் இருந்து குறிப்பிடத்தக்க எந்த பொருளையும் கண்டு பிடிக்க முடியாமல் திரும்பியுள்ளனர். ஆனால் கர்நாடக காவல்துறை தலைவர் செய்தியாளர்களிடம் கூறுகையில், 600 கிராம் வெடி பொருட்கள் அந்த சோதனைகளின் போது கைப்பற்றப்பட்டதாக தெரிவித்துள்ளார். இதனை கோவை மாநகர ஆணையர் மறுத்துள்ளார். சோதனையின் போது சந்தேகிக்கத்தக்க எந்த பொருளும் கைப்பற்றப் படவில்லை என்று கோவை மாநகர ஆணையர் தெளிவாக அறிக்கையும் கொடுத்துள்ளார்.

 எஸ்டிபிஐ எழுதி கொடுத்தது போலிருக்கிறது:  அது மட்டுமல்ல, இவ்வழக்கில் ஐயத்தின் பேரில் கைது செய்யப்பட்டுள்ள பீர் முகமதுவுடன் தங்கியிருந்தார் என்று ஒரே காரணத்திற்காக அலியப்பா என்பவரை பிடித்துச் சென்றுள்ளனர். அவரிடம் 3 நாட்களாக விசாரணை நடத்தியுள்ளது கர்நாடக காவல்துறை. ஆனால் நீதிமன்றத்தில் நிறுத்தாமலேயே, கைது செய்யப்பட்டதை அவரது குடும்பத்தினருக்கு தெரியப் படுத்தாமலேயே அவரை காவலில் வைத்து விசாரித்துள்ளனர். ”என்னிடம் காவல் துறையினர் கேட்ட எந்தக் கேள்விக்கும் பதிலில்லை, எனவே விடுதலை செய்து விட்டனர்” என்று அலியப்பா பெங்களூருவில் நடந்த செய்தியாளர்கள் கூட்டத்தில் கூறியுள்ளார். கர்நாடகத்தைப் பற்றி ஒன்றும் தெரியாத அலியப்பாவை விசாரணை செய்துவிட்டு விடுவித்துவிட்டனர். ஆனால், அவரால் எங்கு எப்படி செல்வது என்று கூட தெரியாமல் திணறியுள்ளார். கர்நாடகத்தில் இயங்கிவரும் மக்களுக்கான மனித உரிமை சங்கம் வழிகாட்டி பாதுகாத்து அழைத்துவந்துள்ளது. மல்லேஸ்வரம் குண்டு வெடிப்பு வழக்கை விசாரிக்க முற்பட்ட தேச புலனாய்வு அமைப்பு (என்ஐஏ), விட்டுவிட்டு சென்றுவிட்டது! ஆனால் கர்நாடக காவல்துறையினர் இன்னமும் தமிழ்நாட்டுக்குள் வந்த முஸ்லீம் இளைஞர்களை விசாரணைக்காக என்ற பெயரில் கைது செய்து, நீதிமன்றத்தில் நிறுத்தாமலேயே சட்டத்திற்குப் புறம்பாக நடத்துகின்றனர்[5].

 முஸ்லிம்கள் அவ்வாறு நடந்து கொள்ளக் கூடாது: இது தடுக்கப்பட வேண்டும். இப்படிப்பட்ட நிகழ்வுகள் அனைத்தும் இஸ்லாமியர்களை ஏதோ குற்றப் பரம்பரையினர் என்று நடத்துவதாகவே இருக்கிறது. எங்கு குண்டு வெடித்தாலும் அதற்கான பூர்வாங்க விசாரணையை தொடங்கும் முன்பே, முஸ்லீம் இளைஞர்களை சுற்றி வளைத்து கைது செய்வது என்பது அவர்கள்தான் குற்றம் செய்திருப்பார்கள் என்று நாட்டு மக்களை நம்ப வைக்கும் முயற்சியாக உள்ளதே தவிர, அது உண்மையான குற்றவாளிகளை கண்டுபிடித்து நீதிமன்றத்தின் முன் நிறுத்துவதாக இல்லை.

 இந்தியாவில் இந்தியர்களாக இருக்கிறோம் என்ற எண்ணம் இருந்தால் இத்தகைய குண்டு வெடிப்புகளே  நடக்காதே: ஒருவரை விசாரணைக்காக அழைத்துச் செல்வதற்குரிய சட்ட ரீதியான வழிமுறைகளை கையாளாமல் கைது செய்வதும், அடிப்படை ஆதாரமின்றி அவர்களின் வீடுகளில் சோதனை நடத்துவதும், குறிப்பிட்ட நபர் சம்பவத்தில் சம்மந்தப்பட்டுள்ளாரே என்பதற்கான சாத்தியக் கூறுகளை ஆராயமலும் காவல்துறை செயல்படுவது ஏற்றுக்கொள்ளத்தக்கதல்ல. கோவையில் ஒரு முறை குண்டு வெடிப்பு நடந்துவிட்டது என்பதற்காகவும், என்றோ நடந்த ஒரு குற்றச்செயலில் ஈடுபட்டவர்கள் வாழ்ந்த இடம் என்பதற்காகவும், தென்னாட்டில் எங்கு குண்டு வெடித்தாலும் கோவையிலும், திருநெல்வேலியிலும் வாழ்ந்துவரும் முஸ்லீம் இளைஞர்களை சட்டத்திற்குப் புறம்பாக கைது செய்து விசாரணைக்கு உட்படுத்துவது ஏற்கத்தக்கதல்ல. இப்படிப்பட்ட காவல் துறை அத்துமீறல்களை தமிழக அரசு தடுத்து நிறுத்த வேண்டும் என்று கேட்டுக்கொள்கிறோம். இப்படிப்பட்ட அத்துமீறல்கள் தொடர்ந்தால் இந்திய சமூக வாழ்விலிருந்து அந்நியப்படும் ஒரு மன நிலை முஸ்லீம் இளைஞர்களிடம் ஏற்பட்டுவிடும் என்பதையும் எச்சரிக்கையாகத் தெரிவித்துக் கொள்கிறோம்”, இவ்வாறு அதில் கூறப்பட்டுள்ளது[6]. ஏப்ரல் மாதத்திலேயே, இவ்வழக்கை சிபிஐ எடுத்து நடத்த வேண்டும் என்று எஸ்டிபிஐ அமைப்பு ஆர்பாட்டம் செய்தது[7], போஸ்டர்கள் ஒட்டியது.

சந்தேகத்தில் உள்ளவர்களுக்கு ஊடக விளம்பரம்,  போலீஸாரின் மீது சந்தேகத் தைவளர்ப்பது: இந்தியாவில், அரசியல்வாதிகள் எப்படி குண்டுவெடிப்பிற்காக ஒருவரை ஒருவர் குற்றஞ்சாட்டிக் கொண்டிருக்கிறார்களோ, ஊடகங்களும், சந்தேகத்தில் உள்ளவர்களுக்கு ஊடக விளம்பரம், போலீஸாரின் மீது சந்தேகத்தை வளர்ப்பது என்ற ரீதியில் செயல்படுவதைப் போலிருக்கிறது. இங்கு தமிழகத்தில் ஆறுபேர் கைது செய்யப்பட்டனர் எனும்போது, பொறுப்புள்ள முஸ்லீம்கள், சந்தேகிக்கப்பட்டவர்கள் அவ்வாறு ஏன் நடந்து கொண்டனர், செல்போனில் ஏன் அப்படி ஒருவரொக்கு ஒருவர் தொடர்பு கொண்டனர். குண்டு வெடிப்பில் சம்பந்தப்பட்ட மோட்டார் சைக்கிள் எப்படி, ஏன் உபயோகிக்கப்பட்டது, தீவிரவாத இயக்கத்துடன் ஏன் தொடர்பு வைத்திருந்தனர், என்பதைப் பற்றி விளக்கம் கொடுக்கப்படவில்லை[8]. ஊடகங்களும் தங்களது புலன் விசாரிக்கும் யுக்திகளை கையாண்டு எதையும் எடுத்துக் காட்டவில்லை[9]. மாறாக, இதற்குள் பீர் மொஹித்தீனின் மனைவி சையத் அலி பாத்திமா மற்றும் பஸீரின் மனைவி சம்சுன் நிஸா ஊடகங்களுக்கு முன்னர், தங்களது கணவர்கள் அப்பாவிகள் என்று பேட்டி அளித்துள்ளனர்[10].

பெங்களூரு குண்டு வெடிப்பில் பாதிக்கப் பட்டுள்ளவர்கள் போலீஸார் தாம்: பலவழிகளில், அதிகமாக பெங்களூரு குண்டு வெடிப்பில் பாதிக்கப்பட்டுள்ளவர்கள் போலீஸார் தாம் எனலாம். ஏனெனில், 16 பேரில், எட்டு பேர் போலீஸார் என்பது மட்டுமல்லாது, அவர்கள் தாங்கள் செய்யும் கடமைகளையும் செய்யவிடாமல், அரசியல்வாதிகள், ஊடகங்கள், சந்தேகிக்கப்பபவர்களில் உறவினர்கள் என்று எல்லோரும் சேர்ந்து கொண்டு தொந்தரவு கொடுக்கின்றனர்; குறை கூறுகின்றனர்; ஏன் தூஷணமும் செய்து வருகின்றனர். இதனையும் பாஸ்டன் குண்டுவெடிப்புடன் ஒப்பிட்டுப் பார்த்தால், இந்தியர்கள் எந்த அளவிற்கு கேவலமாக இருக்கிறார்கள்  என்பதனை அறிந்து கொள்ளலாம். செபாஸ்டியன் சீமானும் இதில் சேர்ந்தது, அவரது சுயரூபத்தைக் காட்டுகிறது எனலாம்.

தமிழ் ஜிஹாத், தமிழ் தீவிரவாதம், தமிழ் பயங்கரவாதம் என்று ஆரம்பித்தாலும் ஒடுக்கப்பட வேண்டும்: தமிழ் ஜிஹாத், தமிழ் தீவிரவாதம், தமிழ் பயங்கரவாதம் என்று வேறு உருவில் தமிழகத்தில், வேலை செய்ய சில குழுக்கள் தயாரானால், நிச்சயமாக சட்டப்படி அரசு நடவடிக்கை எடுக்கத்தான் செய்யும். இச்செயல்களினால்தா, தமிழ்நாட்டில் மறுபடியும் “அல்-உம்மா” தலையெடுக்கிறாதா என்ற கேள்வி ஏற்கெனவே எழுப்பப்பட்டுள்ளது[11]. முஸ்லிம்கள் முதலில் அத்தகைய தொடர்புகளை, மூலங்களை, ஊக்குவிப்புகளை நிறுத்த வேண்டும். நாடு, ஜிஹாதிகள், இஸ்லாமிய தீவிரவாதிகள், முஸ்லிம் பயங்கரவாதிகள், இந்திய விரோதிகள் என்று அவர்களுக்காக மட்டும் இல்லை. அவர்கள் அப்படி குரூர-கொடிய கொலைகளை, கழுத்தறுப்புகளை செய்து கொண்டிருந்தால், மற்றவர்கள் கண்டித்திருக்க வேண்டும். மனைவி-மக்கள், தாயார்-சகோதரிகள் தடுத்திருக்க வேண்டும். ஆனால், அதுபோல நடக்கவில்லை[12]. அப்படியென்றால், அவர்களுக்குத் தெரிந்தே இவையெல்லாம் நடந்து கொண்டிருக்கின்றன என்றாகிறது. மேலும், இக்குண்டுவெடிப்பைப் பொறுத்த வரைக்கும், ஏற்கெனவே குண்டுவெடிப்புகளில் மாட்டிக் கொண்டவர், ஜெயிலுக்குப் போனவர், தேடப்பட்டு வருபவர்[13], என்றுதான் உள்ளனர்[14] எனும்போது, தார்மீகரீதியில் இத்தகைய கோரிக்கைகள் ஏன் எழுகின்றன என்று தெரியவில்லை[15]. “பாஸ்டன் முதல் பெங்களூரு வரை – தீவிரவாதத்தை அணுகும் முறைகள் – ஏப்ரல் 15 முதல் 22 வரை” என்ற தலைப்பில் நான்கு பகுதிகளாக இவ்விஷயம் அலசப்பட்டுள்ளது[16].

 

வேதபிரகாஷ்

27-04-2013

---

[1] http://www.tmmk.in/index.php?option=com_content&view=article&id=1085:seeman-visit-mmk-hq&catid=81:tamilnadu&Itemid=198

[2] http://secularsim.wordpress.com/2013/04/27/bangalore-blast-police-investigation-human-rights-thwarting-legal-action/

[3] http://tamil.oneindia.in/news/2013/05/29/tamilnadu-seeman-condemns-arrest-innocent-muslim-youths-176218.html

[4] http://www.maalaimalar.com/2013/05/29143604/stop-muslim-youth-arrest-seema.html

[5] http://www.dailythanthi.com/node/303471

[6] http://tamilantelevision.com/news.php?Id=1369801933

[7] Protesting the arrest of 4 people of Melappalayam, Tirunelveli a demonstration took place near the Melappalayam market on behalf of STPI. During the protest the state leader of SDPI Dhehlan Baqavi said, the investigation of the Bangalore bomb blast case to be handed over to the CBI.

http://sathiyam.tv/english/districts/thirunalveli/sdpi-protested-to-handover-bomb-blast-case-to-cbi

[8] http://lawisanass.wordpress.com/2013/04/24/resurrection-of-alumma-in-bangalore-blast/

[9]  டெஹல்கா-tehelka- போன்று புறப்பட்டு கொட்டும் விளையாட்டுகளை (sting operations) நடத்தவில்லை, ஆசைக்காட்டி-காசு கொடுத்து பேட்டி எடுக்கவில்லை, வீடியோ எடுக்கவில்லை, ……………….

http://secularsim.wordpress.com/2013/04/27/bangalore-blast-police-investigation-human-rights-thwarting-legal-action/

[10] http://www.thehindu.com/news/cities/bangalore/families-get-court-permission-to-meet-terror-suspects/article4659980.ece

[11] http://lawisanass.wordpress.com/2013/04/24/resurrection-of-alumma-in-bangalore-blast/

[12] http://secularsim.wordpress.com/2013/04/23/from-boston-to-bangalore-the-methodology-of-handling-terror-by-governments/

[13] http://islamindia.wordpress.com/2013/05/12/sukfikarali-shabir-held-for-bangalore-blast-from-kerala/

[14] http://secularsim.wordpress.com/2013/04/24/782-from-boston-to-bangalore-the-way-india-deals-with-terror/

[15] http://secularsim.wordpress.com/2013/04/27/bangalore-blast-police-investigation-human-rights-thwarting-legal-action/

[16] http://secularsim.wordpress.com/2013/04/25/from-boston-to-bangalore-the-implications-of-jihad-acting-against-india/

குறிச்சொற்கள்: அபாயம், அறிவுஜீவிகள், இந்தியாவை முட்டாளுக்குதல், இறக்குமதி செய்யப்பட்ட சித்தாந்தம், இஸ்லாம், ஈழம், ஏமாற்றம், ஏமாற்று, கட்சி, கிருத்துவர், சீமான், செபாஸ்டியன், செபாஸ்டியன் சீமான், ஜிஹாத், தமிழன், தலைவன், தலைவர், திராவிட நாத்திகம், திராவிடம், நிறுவனம், பாகிஸ்தான், பிரபாகரன், புலி, பொறுப்பு, வழக்கு, விடுதலை புலி