Archive for the ‘ஆசிரமம்’ Category

புதுச்சேரி முந்திரி காட்டில் அனுமதி இல்லாமல் நடந்த போதை மருந்து பார்ட்டியும், விவகாரங்களும்: தமிழகம் போதை பாதையில் செல்கிறாதா? [1]

ஜூன்13, 2019

புதுச்சேரி முந்திரி காட்டில் அனுமதி இல்லாமல் நடந்த போதை மருந்து பார்ட்டியும், விவகாரங்களும்: தமிழகம் போதை பாதையில் செல்கிறாதா? [1]

Puduchrry DJ Party 2019

குடித்து கும்மாளம் போது டீஜே பார்ட்டிகள் புதுச்சேரியில் சகஜம் தான்: புதுவையையொட்டி தமிழக பகுதியான விழுப்புரம் மாவட்டம் ஆரோவில்லில் சர்வதேச நகரம் அமைந்துள்ளது. இதையொட்டி ஏராளமான கேளிக்கை விடுதிகள் அமைந்துள்ளன. ரிசார்ட், ஹோம்ஸ்டே, குடில்கள் என பல்வேறு பெயர்களில் இவை செயல்பட்டு வருகின்றன[1]. இவற்றில் சில விடுதிகளில் டி.ஜே[2]. எனப்படும் கேளிக்கை நடனம் நடத்தப்பட்டு வந்தது[3]. தா ஜான், டிஸ்கோ ஜாக்கி போர்வையில் ஆரம்பித்து, மது, மாது, போதை சேர்ந்து, நவீன-நாகரிக முகமுடியில் சீரழியும் வகையாக உள்ளது. பாண்டிச்சேரி, புதுச்சேரி, ஆரோவில் என்றாலே இதெல்லாம் சகஜமான விசயம் என்றே ஆகிவிட்டது.  இவையெல்லாம் வெளிப்படையாகவே விளம்பரங்கள் கொடுக்கப் பட்டு, ஓட்டல்களில் நடக்கின்றன[4]. புத்தாண்டு, கிறிஸ்துமஸ் என்றால் கேட்கவே வேண்டாம். ஆன்மீகத்தைத் தேடிச் சென்ற பயணம் ரேவ் பார்ட்டியில் முடிந்து விட்டது என்று ஒருவர் எழுதியுள்ளதைப் படிக்கலாம்[5].  அதாவது, வாடிக்கையாளர்களுக்கு எப்படி வேண்டுமானாலும் சேவை செய்ய, தயாராக அந்தந்த தொழில்கள் செய்பவகள் தயாராக இருக்கின்றனர்.

Puduchrry DJ Party 2019-2

புதுச்சேரி, ஆரோவில், அரவிந்த ஆசிரமம்: குறிப்பாக ஶ்ரீ அரவிந்தர் ஆசிரமம் மற்றும் ஆரோவில் – இரண்டில் எங்கே எது நடக்கிறது என்று செய்திகளில் குறிப்பாக தெரிவிக்கப் படுவதில்லை. ஆரோவில்லில் நடப்பதை ஆசிரமத்தில் நடந்தது என்றும், ஆசிரமத்தில் நடப்பதை ஆரோவில்லில் நடந்தது என்றும் செய்திகளில் குறிப்பிட்டு வருவது வழக்கமாகியுள்ளது. இல்லை ஆரோவில் அருகிலுள்ள ஆசிரமத்தில் நடந்தது என்றும் குறிப்பிடுவர்[6]. போதாகுறைக்கு திராவிட சித்தாந்திகள், பகுத்தறிவு வகையறாக்களும் இதில் சேர்ந்து கொண்டு குட்டையைக் குழப்பி வருகின்றன[7]. கம்யூனிஸ நித்தாந்திகள், இப்பொழுது ஊடகத்துறைகளில் பயிற்சி பெற்றவர்கள், தேர்ந்தவர்கள், தங்களுக்கே உரிய பாணியில் செயல்பட்டு கொண்டிருக்கிறர்கள். செய்திகளை போட்டு வருகிறார்கள். ஆரிய—திராவிட இனவெறி சித்தாந்தங்களில் ஊரியவர்கள் வடநாட்டவரை, வங்காள மொழிபேசுபவரை எதிரிகள் போல நடத்தி வருகின்றனர்[8]. ஆன்மீகம் என்று பேசிக்கொண்டு, இவர்கள் பிரச்சினை எழும்போதெல்லாம் அதில் குளிர்காய விரும்புகின்றனர்.

Puduchrry DJ Party 2019-3

போதைப் பொருட்களின் புழக்கம்: எல்லோருக்கும் பணம் கிடைத்து வருவதால் அமைதியாக நடந்து வருகின்றன. அயல்நாட்டவர்களை வைத்து செய்கின்ற வியாபாரம் அமோகவே நடந்து வருகின்றன. அதிலும், பணம் இல்லை என்ற நிலைக்கு வரும் நபர்கள் மூலம் தான் பிரச்சினைகள் உருவாகின்றன. ஆரோவில்லில் நடப்பவை வெளியே வருவதில்லை. மற்றவற்றில், உள்ளூர்வாசிகள் எல்லைகளை மீறும் போது, பிரச்சினைகள் உண்டாகின்றன. ஏதாவது உட்பூசல் போன்ற விவகாரம் வந்தால் புகார்களாக வெளிப்படுகின்றன. ஆனால், “விவரம்” தெரிந்தவர் அந்த “வரயறைக்குள்” நடத்தி செல்கின்றனர். இதையொட்டி அங்கு வரும் வாடிக்கையாளர்களை கவர மது மற்றும் போதை மருந்துகள் வினியோகிக்கப்படுவதாக போலீசாருக்கு புகார்கள் வந்தன[9]. இதனால் போதை அதிகமாகி அரை குறை ஆடைகளுடன் ஆபாசமாக நடனமாடுவதாகவும் புகார்கள் எழுந்தன[10]. தடை செய்யப்பட்ட போதைப் பொருட்கள் எப்படி புழக்கத்தில் உள்ளன என்று ஆராய்ந்தால், வேறு விவகாரங்கள் வெளிவரும்.

Puduchrry DJ Party 2019-4

போலீஸார் கண்காணிப்பு, எச்சரிக்கை முதலியன: ஆரோவில் அனைத்துலக விருப்பு-வெறுப்புகளுக்குட்பட்டதாக இருப்பதால், அரசியல் கலந்தே செயல்பட்டு வருகிறது. அதனை அரசுடமையாக்க வேண்டும் போன்ற நடவடிக்கைகளும் தடுக்கப் பட்டுள்ளன. அதைத்தொடர்ந்து விழுப்புரம் மாவட்ட போலீஸ் சூப்பிரண்டு ஜெயக்குமார் உத்தரவின்பேரில் ஆரோவில் போலீசார் இந்த விடுதிகளில் திடீர் சோதனை நடத்தி அதுபோன்ற ஆபாச நடனங்களை நடத்த தடை விதித்தனர். போதை மருந்துகள் பயன்படுத்தினால் கடும் நடவடிக்கை எடுக்கப்படும் என்றும் எச்சரித்தனர். இதுபோல் போலீஸ் கெடுபிடி அதிகமானதால் இந்த கேளிக்கை விடுதிகளில் ஆபாச நடனங்கள் நடத்தப்படுவது நிறுத்தப்பட்டது[11]. ஆனால் ஆரோ வில் அருகே உள்ள சில முந்திரித் தோப்புகளில் அழகிகளின் நடனங்கள் ரகசியமாக நடத்தப்பட்டு வந்தன[12]. இதுபற்றி தகவல் தெரியவந்த நிலையில் போலீசார் ரகசியமாக கண்காணித்து வந்தனர்.

Puduchrry DJ Party 2019-11

வளைதளத்தில் விளம்பரம் கொடுத்து, ஜி.பி.எஸ் மூலம் கூட்டிய அதிநவீன ரேவ்பார்ட்டி: இந்தநிலையில் ஆலங்குப்பத்தை அடுத்த இரும்பை கிராமத்தையொட்டிய முந்திரி தோப்பு பகுதியில் நேற்று முன்தினம் இரவு 08-06-2019 மது விருந்துடன் பெண்களின் ஆபாச நடனத்துக்கு ஏற்பாடு செய்யப்பட்டு இருந்தது. இதில் பங்கேற்க வாடிக்கையாளர்களுக்கு ஆன்லைன் மூலம் அழைப்பு விடுக்கப்பட்டு இருந்தது. “அரோரா Music contest” என்கிற பெயரில் இணைய தளத்தில், ரகசிய குறியீடுகளை விளம்பரபடுத்தி உள்ளூர் மற்றும் வெளிநாட்டவருக்கு அழைப்பு விடுக்கப்பட்டுள்ளது தெரியவந்துள்ளது. நிகழ்ச்சி எங்கு, எப்போது என எந்த அறிவிப்பும் கொடுக்காமல் 1000 ரூபாயை இணையதளம் மூலம் செலுத்தியவுடன் ரகசிய குறியீடு மற்றும் Navigator (வழிகாட்டி) Map அனுப்பப்படுகிறது. மகாபலிபுரம் மாதிரியாக இருந்தாலும், மாட்டி கொள்ளாமல் இருக்க, இவ்வழி பின்பற்றின போலும். இந்த வகையில் புக் செய்தவர்கள் இரவில் புதுச்சேரி அருகேயுள்ள ஆரோவில் ஆலங்குப்பம் முந்திரி காட்டில் கூடினார்கள். அங்கு அலங்கார மின்விளக்குகள், இசைக்குழு, மது பானங்கள், போதை பொருட்களுடன் மதுவிருந்து ஏற்பாடு செய்யப்பட்டிருந்தது. இதற்காக, சமூக வளைதளங்களில் அதிகமாக விளம்பரம் செய்யப்பட்டது. ஆனால், எந்த அனுமதியும் பெறாமல், இந்த நிகழ்சிற்கு பாதுகாக்கப்படும் காட்டிற்கு அருகில், ஏற்பாடு செய்யப்பட்டது[13].

© வேதபிரகாஷ்

11-05-2019

Puduchrry DJ Party 2019-10

[1] தினத்தந்தி, புதுச்சேரி அருகே முந்திரி தோப்புக்குள் மது விருந்து அளித்து பெண்களுடன் https://www.youtube.com/watch?v=jGJXSslYdl4ஆபாச நடனமாடிய 15 பேர் கைது செய்யப்பட்டனர்.

பதிவு: ஜூன் 10, 2019 05:15 AM

[2] A disc jockey, often abbreviated as DJ, is a person who plays existing recorded music for a live audience. Most common types of DJs include radio DJ, club DJ who performs at a nightclub or music festival and turntablist who uses record players, usually turntables, to manipulate sounds on phonograph records.

[3] https://www.dailythanthi.com/Districts/Chennai/2019/06/10041439/Near-pondichery-Wine-party-with-women-at-midnight.vpf

[4] https://www.youtube.com/watch?v=jGJXSslYdl4

[5]  Nihal Bambulkar, In Auroville, My Search for Spirituality Ended at a Forest Rave Party, BY NIHAL BAMBULKAR AUG. 22, 2018 https://www.arre.co.in/first-person/auroville-spirituality-forest-rave-party-2/

[6] https://www.dinamalar.com/News_Detail.asp?Id=482439&Print=1

[7] உள்ளூர் நந்தி வர்மனை உதாரணமாகச் சொல்லலாம். இதைத் தவிர, தலித், பெரியார் போர்வைகளில் கிருத்துவ, முஸ்லிம், கம்யூனிஸ்ட் கோஷ்டிகள் வேலை செய்து வருகின்றன. விடுதலை சிறுத்தைகள், தேதிமுக போன்றோரும் அவற்றின் அமைப்புகளும் வேலை செய்து வருகின்றன.

[8] http://secularsim.wordpress.com/2013/03/21/628-why-aurobindo-ashram-attacked-by-the-dravidar-kazhagam/

[9] விகடன், மது, கஞ்சாவுடன் முந்திரிக் காட்டில் நள்ளிரவு நடனம்! – கும்பலை ஸ்கெட்ச் போட்டு தூக்கிய போலீஸ், வெளியிடப்பட்ட நேரம்: 20:40 (10/06/2019) கடைசி தொடர்பு:20:40 (10/06/2019).

[10] https://www.vikatan.com/news/tamilnadu/159470-viluppuram-police-arrests-16-near-pondicherry-border-over-organizing-mid-night-party.html

[11] தந்தி.டிவி, ஆரோவில் அருகே 16 பேர் கைது : முந்திரி தோப்பில் கஞ்சா, மது போதையுடன் விருந்து, பதிவு : ஜூன் 10, 2019, 08:13 AM

[12] https://www.thanthitv.com/News/India/2019/06/10081334/1038816/Puducherry-Arrest-Liquor-Party.vpf

[13] The organisers had given wide publicity for the event on social media platforms and had enabled location sharing feature with Google Maps. The tickets were priced at ₹1,000 per couple. Some youngsters were also found peddling ganja at the party and had also procured IMFL from Puducherry. Mr. Jayakumar said the police trapped them by sending decoys who struck a deal with them in the guise of buying tickets for the event.Over 80 persons, including Aurovillians, foreigners and youngsters from Chennai, were attending the party. No permission was obtained for the event. The orchard is located close to a reserve forest, he said.

https://www.thehindu.com/news/cities/chennai/15-detained-ganja-seized-at-rave-party-near-auroville-township/article27702819.ece

Advertisements

ஶ்ரீ அரவிந்தர் ஆசிரமம் மீது செக்ஸ், பிடோபைல் முதலிய குற்றச்சாட்டுகள் – ஆரோவில் குற்றங்களும், ஆசிரமத்தின் மீதான குற்றச்சாட்டுகளும் (2)

ஓகஸ்ட்31, 2013

ஶ்ரீ அரவிந்தர் ஆசிரமம் மீது செக்ஸ், பிடோபைல் முதலிய குற்றச்சாட்டுகள் – ஆரோவில் குற்றங்களும், ஆசிரமத்தின் மீதான குற்றச்சாட்டுகளும் (2)

 

ஶ்ரீஅரவிந்தர்ஆசிரமத்தில்நடக்கும்அதிகாரபோராட்டம்: புதுச்சேரியில் உள்ள, அரவிந்தர் ஆசிரமம், மிகவும் பிரசித்தி பெற்ற ஆசிரமத்தில் உள்ள –

  • பெண்கள் மற்றும் குழந்தைகளுக்கு எதிராக, பாலியல் தொந்தரவு நடக்கிறது;
  • மனித உரிமைகள் மீறப்படுகிறது;
  • ஆசிரம நிதியில் முறைகேடு நடக்கிறது;
  • ஆசிரம சொத்துக்கள் சட்டவிரோதமாக விற்பனை செய்யப்படுகின்றன;

என, குற்றச்சாட்டுக்கள் எழுந்துள்ளன. இந்த குற்றச்சாட்டுக்களை, புதுச்சேரி எம்.எல்.ஏ., அசோக் ஆனந்த், விஷ்ணு லலித் மற்றும் ஆசிரமத்தில் உள்ள சிலர் எழுப்பியுள்ளனர்[1]. உண்மையில், ஒவ்வொரு மடத்திலும், நிறுவனத்திலும், கட்சியிலும் இத்தகைய அதிகார போராட்டங்கள் ஜாதி, மதம், மொழி, இனம் என்ற துவேசங்களினால் ஏற்பட்டு வருகின்றன. அவற்றை மறைக்கும் விதமாக மனித உரிமைகள் என்றெல்லாம் பேசுவது வழக்கமாகி விட்டது. சங்கம் என்று வைத்துக் கொண்டாலே, பதவி ஆசை வரும்போது அல்லது குறிப்பிட்டவவர்கள் மட்டும் அனுபவிக்கிறார்களே என்று கவனிக்கும் போது, மற்ற உறுப்பினர்களுக்கு ஆசை வரத்தான் செய்யும். ஏனெனில், அந்த 10-20 பேர் மற்ரவர்களை தமக்கு சாதகமாக வைத்துக் கொண்டே, சங்கமே தனக்கு சொந்தம் போல நடந்து கொள்வார்கள். அப்பொழுதுதான், பிரச்சினை வரும்.

புகார்கள் உண்மையா என்று விசாரிக்க உத்தரவு: பாலியல் புகார்கள் உள்பட புதுச்சேரி அரவிந்தர் ஆசிரமம் மீது கூறப்படும் புகார்கள் குறித்து கேரள உயர் நீதிமன்றத்தின் ஓய்வுபெற்ற நீதிபதி பி.ஆர்.ராமன் விசாரணை நடத்த சென்னை உயர் நீதிமன்றம் உத்தரவிட்டுள்ளது[2]. இது தொடர்பாக நீதிபதி கே.கே.சசிதரன் பிறப்பித்துள்ள உத்தரவில், அரவிந்தர் ஆசிரமத்தில் பெண்கள் மற்றும் சிறுவர், சிறுமியர் பாலியல் தொந்தரவுக்கு ஆளாக்கப்படுவதாகக் கூறப்படும் குற்றச்சாட்டுகளில் உண்மை உள்ளனவா என்று நீதிபதி பி.ஆர்.ராமன் விசாரிக்க வேண்டும் என்று கூறியுள்ளார். மேலும், ஆசிரமத்தில் தங்கியுள்ளவர்களின் மனித உரிமைகள் மீறப்படுவதாகவும், அடிப்படை உரிமைகள் மறுக்கப்படுவதாகவும் கூறப்படுவது உண்மையா என்பது பற்றியும், ஆசிரம நிதி தவறாகப் பயன்படுத்தப்படுகிறது என்றும், ஆசிரமச் சொத்துகள் சட்டவிரோதமான முறையில் விற்கப்படுகிறது என்றும் கூறப்படும் புகார்களில் உண்மை உள்ளதா என்பது பற்றியும் நீதிபதி ராமன் விசாரணை நடத்தி, எவ்வளவு விரைவில் முடியுமோ அவ்வளவு விரைவில் அறிக்கை தாக்கல் செய்ய வேண்டும் என்று நீதிபதி சசிதரன் தனது உத்தரவில் கூறியுள்ளார். விசாரணை அதிகாரியான நீதிபதி ராமனுக்கு உதவிடும் வகையில் கொச்சியைச் சேர்ந்த வழக்குரைஞர் சத்யா ஸ்ரீ பிரியா ஈஸ்வரன் நியமிக்கப்பட்டுள்ளார்[3]. ஏற்கெனவே, கேரளாவைச் சேர்ந்தவர்கள் வங்காள மாநில மக்களுக்கு அடுத்தபடி, அதிகாரம் செல்லுத்தி வருகிறார்கள் என்ற குற்றாச்சாட்டும் உள்ளது. பிறகு, இவர்கள் சமநீதி முறையில் வேலை செய்வார்களா அல்லது பாரபட்சமாக நடந்து கொள்வார்களா என்று தெரியவில்லை.

இடைக்காலத் த டைநீக்கம்: அரவிந்தர் ஆசிரம செயல்பாடுகள் குறித்து புதுச்சேரி சட்டப்பேரவை உறுப்பினர் அசோக் ஆனந்த் உள்ளிட்டோர் பல்வேறு குற்றச்சாட்டுகளை எழுப்பினர். இது தொடர்பான விசாரணைக்கு வருமாறு 1.10.2012 அன்று புதுச்சேரி துணை ஆட்சியர் (வருவாய்) நோட்டீஸ் பிறப்பித்தார். இந்த விசாரணைக்கு தடை கோரி ஸ்ரீ அரவிந்தர் ஆசிரம அறக்கட்டளை சார்பில் உயர் நீதிமன்றத்தில் மனு தாக்கல் செய்யப்பட்டது. இதனையடுத்து விசாரணைக்கு இடைக்காலத் தடை விதித்து 5.10.2012 அன்று உயர் நீதிமன்றம் உத்தரவிட்டது. இந்த இடைக்காலத் தடை தொடர்ந்து நீட்டிக்கப்பட்டு வந்தது. இதனிடையே ஆசிரமம் மீதான புகார்கள் குறித்து விசாரணை நடத்த தங்களுக்கு ஆட்சேபம் இல்லை என்றும், எனினும் முன்னரே முடிவு செய்யப்பட்ட விதத்திலான ஆட்சியரின் விசாரணையை அனுமதிக்கக் கூடாது என்றும் ஆசிரம அறக்கட்டளை சார்பில் நீதிமன்றத்தில் வாதிடப்பட்டது. இதனையடுத்து உயர் நீதிமன்றத்தின் ஓய்வுபெற்ற நீதிபதி ஒருவரை விசாரணை அதிகாரியாக நியமித்து விசாரணை நடத்தலாம் என்ற யோசனையை நீதிபதி சசிதரன் முன் வைத்தார். இதனை அனைத்து தரப்பினரும் ஏற்றுக் கொண்டதையடுத்து, நீதிபதி பி.ஆர்.ராமனை விசாரணை அதிகாரியாக நியமித்து நீதிபதி சசிதரன் உத்தரவிட்டுள்ளார். இந்த வழக்கின் விசாரணை நவம்பர் 4-ஆம் தேதிக்கு ஒத்திவைக்கப்பட்டுள்ளது.

ஆசிரமத்தின் கௌரவம் காக்கப்பட வேண்டும்: அரவிந்தர் ஆசிரமம் சர்வதேச அளவில் புகழ் பெற்ற ஓர் அமைப்பு என்பதில் எவ்வித சந்தேகமும் இல்லை. தற்போது சிலர் ஆசிரமம் குறித்து கூறியுள்ள புகார்களால் அந்த ஆசிரமத்தின் கௌரவம் எந்த விதத்திலும் பாதிக்கப்படக் கூடாது. என்ன விலை கொடுத்தாவது ஆசிரமத்தின் புகழும், கௌரவமும் பாதுகாக்கப்பட வேண்டும் என்று கூறியுள்ள நீதிபதி சசிதரன், தற்போதைய ஆசிரம அறக்கட்டளை சபையை கலைத்துவிட்டு, இடைக்கால நிர்வாகியை நியமிக்க வேண்டும் என்ற கோரிக்கையை ஏற்க மறுத்துவிட்டார்[4].

ஶ்ரீஅரவிந்தர் சித்தாந்தங்கள் மறந்தது: ஶ்ரீ அரவிந்தர் சுதந்திர போராட்ட காலத்தில் பாண்டிச்சேரிக்கு வந்தது, ஆன்மீகத்தை தேடியது என்ற உண்மைகளை மறந்து, நாங்களும் ஆன்மீகத்தில் திளைக்கிறோம், யோகா செய்கிறோம், தியானம் செய்கிறோம் என்று பலர் கிளம்பி விட்டார்கள். அரவிந்தரின் ஆன்மீகத்தை இவர்கள் பின்பற்றுகிறார்களா என்ற் தெரியவில்லை. மார்ச் மாதம் ஆசிரமம் தாக்கப்பட்ட போது, இவர்கள் வருத்தம் தெரிவித்தார்களா என்று கூட தெரியவில்லை. தாக்கியவர்களின் மனங்களில் ஒரு துளி ஆன்மீகம் அல்லது தேசப்பற்று இருந்திருந்தால், தாக்கியிருக்க மாட்டார்கள். ஆனால், அவர்களின் முகங்களில், செயல்களில் வெறித்தனம் தான் காணப்பட்டது.

அந்நியர்களில் சிலர் இந்தியக்காரணிகளுக்கு எதிராக நடந்து கொள்வது: அந்நியர்கள், மதநம்பிக்கை இல்லாதவர்கள் அல்லது எல்லாவற்றையும் நம்புகிறவர்கள் ஒரு பக்கம், நாத்திகவாதிகள், இந்து-விரோதிகள், கம்யூனிஸ்டுகள், திராவிட-சித்தாந்திகள் போன்றோர் இன்னொரு பக்கம் – இவர்களால் தான் பிரச்சினைகள் வருகின்றன. இப்பொழுது, அனைத்தும் வியாபாராமாக்கப் பட்டு விட்டதால், பணம் சம்பாதிக்கும் வழிகளில் உள்ளவற்றை கொண்டு வருகின்றனர், அல்லது உள்ளவற்றை மாற்றி வியாபாரம் செய்ய பார்க்கின்றனர். உள்ளூர்காரர்களை விட, வெளிநாட்டுக் காரர்களிடம் “அதிகம் பணம் பண்ணலாம்” என்ற எண்ணத்தில் செயல்படும் போது, குற்றங்கள் நடக்க ஆரம்பிக்கின்றன.

சொத்துக்களால் உண்டாகும் குற்றங்கள்: பிரெஞ்சுகாரர்களுக்கு சொத்துரிமை உள்ளது, ஆனால், அவர்களுக்குப் பிறகு, அவை இந்தியர்களுக்கு சில சரத்துகளில் கிடைக்க வழியுள்ளது எனும் போது, அவற்றை இந்தியர்கள் கடைபிடிக்கப் பார்க்கின்றனர். நிலம் மற்ரும் சொத்து மதிப்பு கோடிகளில் உயர்ந்து வரும் இந்நாளில் எதையும் செய்யும் எண்ணமும் உருவாகி விட்டது. பிரெஞ்சு நாட்டிடம் பென்சன் வாங்கிக் கொண்டு சொகுசு வாழ்க்கை வாழும் உல்லாசிகள், சோம்பேரிகளும் இதில் சேர்ந்து கொள்கின்றனர். இதில் மேற்குறிப்பிட்ட கோஷ்ட்கள் நுழையும் போது அல்லது அவர்கள் பார்வையில் வரும் போது, அவர்களும் அதில் திளைக்கலாம் என்ற எண்ணம் கொள்கின்றனர். இதனால், அரசியல், ரௌடியிஸம், கூட்டுக் கொள்ளை, கூட்டு வன்முறை, கொலை செய்யும் அளவிற்கு செல்லுதல் முதலிய வக்கிரங்களும் தலையெடுக்கின்றன. சாதாரண திருட்டு தான், பேராசையில் மற்ற குற்றங்களுக்கு வழி வகுக்கிறது. கோஷ்டிகள் இவற்றில் செயல்படும் போது, கோஷ்டி-குற்றங்கள் தாம் ஏற்படுகின்றன.

© வேதபிரகாஷ்

31-08-2013


ஶ்ரீ அரவிந்தர் ஆசிரமம் மீது செக்ஸ், பிடோபைல் முதலிய குற்றச்சாட்டுகள் – ஆரோவில் குற்றங்களும், ஆசிரமத்தின் மீதான குற்றச்சாட்டுகளும் (1)

ஓகஸ்ட்31, 2013

ஶ்ரீ அரவிந்தர் ஆசிரமம் மீது செக்ஸ், பிடோபைல் முதலிய குற்றச்சாட்டுகள் – ஆரோவில் குற்றங்களும், ஆசிரமத்தின் மீதான குற்றச்சாட்டுகளும் (1)

அரவிந்தர் ஆசிரமத்தில் செக்ஸ் கொடுமை (2004): இப்படி தலைப்பிட்டு, ஏற்கெனவே பத்தாண்டுகளுக்கு மேலாக செய்திகள் வந்து கொண்டிருக்கின்றன[1].  பாண்டிச்சேரி ஆரோவில் பகுதியில் உள்ள அரவிந்தர் ஆசிரமத்தில் பெண்கள் பாலியல்ரீதியில்கொடுமைப்படுத்தப்படுவதாக அங்கு தங்கியுள்ள 5 பெண்கள் தேசிய மகளிர் ஆணையத்தில் புகார்கொடுத்துள்ளனர். ஆசிரமத்தைச் சேர்ந்த 5 பேரும் தங்களது பெயர்களைக் குறிப்பிடாமல் புகார் கொடுத்துள்ளதாக தேசிய மகளிர் ஆணையத் தலைவியான பூர்ணிமா அத்வானி கூறியுள்ளார். டெல்லியில் நிகழ்ச்சியொன்றில் பேசிய பூர்ணிமா, அரவிந்தர் ஆசிரமம் மீது கற்பழிப்பு புகார் எதுவும் கூறப்படவில்லை. ஆனால் பாலியல் ரீதியாக பெண்கள் தொல்லைக்கு ஆளாக்கப்படுவதாக தெரிவிக்கப் பட்டுள்ளது.

  • பெண்கள் தங்கியுள்ள அறைகளில் வந்து ஆண்கள் சிறு நீர் கழிப்பது,
  • பெண்கள் தங்கியுள்ள அறைகளின் சுவர்களில் அசிங்கமான வார்த்தைகளை எழுதி வைப்பது
  • போன்ற செயல்களில் சில ஆண்கள் ஈடுபடுவதாகவும்

இவர்கள் புகார் தெரிவித்துள்ளனர். இது தொடர்பாக விசாரணை நடத்தவுள்ளோம் என்றார். இவையெல்லாம், அரசு அலுவலங்கள், ரெயில்கள் மற்ற கட்டிடங்களின் கழிப்பிடங்கள், முதலியவற்றில் சர்வ சகஜமாகக் காணலாம். அவற்றைப் பற்றி கவலைப் படாத பெண்கள், இதைப் பெரியதாக எடுத்துக் கொண்டுள்ளது வியப்பக இருக்கிறது. ஆரோவில் ஆசிரமத்தில் போதைப் பொருள்கள் புழக்கம், முறைகேடான பாலுறவு போன்றவற்றில் அங்குதங்கியுள்ள வெளிநாட்டவரும், உள்நாட்டினரும் ஈடுபடுவதாக தொடர்ந்து குற்றம் சாட்டப்பட்டு வருவது குறிப்பிடத்தக்கது[2].

அந்நியர்களால் வரும் விபரீதங்கள்: ஆரோவில் வளாகத்தில் அந்நியர்கள் அதிகமாக இருப்பதினால், அவர்கள் மூலமாக பற்பல பிரச்சினைகள் வந்துள்ளன, வந்து கொண்டிருக்கின்றன. பாதிக்கு மேலுள்ள அந்நிய பக்தர்கள், சீடர்கள், தியான-யோகா நிகழ்சிகளில் கலந்து கொள்பவர்கள், சுற்றுலா பிரயாணிகள், உல்லாசிகள் என்று அனைத்து வகையினரும் இங்குள்ள கூட்டங்களில் அடங்குவர். அந்நியர்கள் அதிகமாக வருவதால், அவர்கள் தங்களது பழக்க-வழக்கங்களை பெரும்பாலும் மாற்றிக் கொள்வதில்லை. சிகரெட் புகைப்பது, மது அருந்துவது, செக்ஸில் ஈடுபடுவது போன்றவை அவர்களைப் பொறுத்த வரைக்கும், தினசரி காரியங்களாக இருக்கின்றன. தினமும் சாப்பாடு-உணவு போல அவற்றை வைத்துக் கொள்கின்றனர். அவர்களில் சிலர் போதை மருந்தும் உட்கொள்கின்றனர். இதனால், இவையெல்லாம் இங்கு கிடைக்கின்றன அல்லது கிடைக்கக்கூடிய நிலையுள்ளது. இவற்றில் சில சட்டமீறல்கள், குற்றங்கள் எனும்போது, அவை தெரிந்தே அனுமதிக்கப் படுகின்றன என்றாகிறது. இவற்ரின் மூலம் தான் மற்ற குற்றங்கள் நடக்கின்றன.

தொடர்ந்து நடக்கும் கொலைகள்,  கற்பழிப்புகள்: ஶ்ரீ அரவிந்தர் ஆசிரமம் அல்லது அதனைச் சுற்றி நடக்கும் குற்றங்கள் எல்லாம், பொதுவாக ஆரோவில் மற்றும் அதன் வளகத்தைச் சுற்றியுள்ள இடங்களில் தாம் அதிகமாக நடந்து வருகின்றன. தொடர்ந்து நடக்கும் கொலைகள், கற்பழிப்புகள், மற்றும் அவற்றைச் சேர்ந்த குற்றங்கள் அதனை எடுத்துக் காட்டுகின்றன. அவற்றில் சில கீழே உதாரணத்திற்காகக்  கொடுக்கப்படுகின்றன:

  • அக்டோபர் 2004ல் ஆரோவில் அருகேயிருந்த கிராமத்தில் கோஷ்டி மோதல்கள் ஏற்பட்டன. அதில் ஒரு ஹோமியோபதி மருத்துவர் கொல்லப்பட்டார். ஜனவரி 19, 2004ல் அக்கூட்டத்தினர் பெயிலில் வெளியே வந்தபோது, அதில் ஒருவர் இடையாஞ்சாவடியில் பட்டப்பகலில் கொல்லப்பட்டார்[3].
  • ஜனவரி 31, 2004ல் சைடோ வான் லூ [Sydo Van Loo, a Dutch national] என்ற டச்சு நாட்டுக்காரர் கொலை செய்யப்பட்டு கிடந்தார்[4].
  • அக்டோபர் 2008ல், இசபெல்லா என்ற பெண் பலரால் கற்பழிக்கப்பட்டு, எரிக்கப்பட்ட நிலையில் பிணமாக, ஆரோவில் அருகே முந்திரி புதர்களில் கிடந்தது போலீஸாரால் கண்டு பிடிக்கப்பட்டது. அப்பெண்ணின் கணவர் ஆல்பர்ட் துபாயில் வேலை செய்கிறான். காணாமல் போன அவளைப் பற்றி, தாயார் போலீஸாரிடத்தில் புகார் கொடுத்திருந்தார்[5].
  • மே 2009ல், ஆன்ட்ரி வயோஜேட் [French industrialist, Andre Viozat, 66] என்பவர் தனது 13-ஏக்கர் நிலப்பரப்பில் உள்ள பண்னை வீட்டில் வெட்டிக் கொலை செய்யப்பட்டார்[6]. இவர் சந்திரிகா என்ற கேரள பெண்னை திருமணம் செய்து கொண்டு, பின்னர் பிரிந்து விட்டனர். அவர் அடையாளம் தெரியாத ஆசாகளால் கொலை செய்யப்பட்டார் என்று போலீஸார் தெரிவித்தனர்.
  • டிசம்பர் 31, 2010 அன்று மதிவளவன் மற்றும் கருணகரன் கோஷ்டி மோதல்களில் கொல்லப்பட்டனர்[7]. இவர்களைக் கொன்ற சுரேஷ் என்பவன் ஆன்ட்ரி வயோஜேட் கொலையிலும் தனக்கு பங்கிருப்பதாக ஒப்புக் கொண்டான்.

வான் லூ கொலையைப் பற்றிக் குறிப்பிடும் போது, ஆரோவில்-காரர்களே, வன்முறை ஆரோவில்லில் ஒன்றும் புதியதல்ல என்று குறிப்பிட்டுள்ளனர்[8]. ஆன்ட்ரி வயோஜேட் கொலையைப் பொறுத்த வரையில் கோடிக்கணக்கான சொத்துதான் பங்கு வகித்துள்ளது. மேலும் ஆரோவில் வளகத்தில் வசிப்பவர்கள் மற்றும் சுற்றியுள்ள கிராமங்களில் வாழ்ந்து வரும் தமிழர்கள் அல்லது தமிழ் பேசும் உள்ளூர்வாசிகள் இவர்களிடையே சில பிரச்சினைகள் எழுகின்றன, அவை கொலை, கற்பழிப்பில் கூட முடிகின்றன என்று வெளிநாட்டுக்காரர்களே எடுத்துக் காட்டுகின்றனர்[9].

ஶ்ரீஅரவிந்தர் பெயரில் இயங்கி வரும் இயக்கங்கள்,  நிறுவனங்கள்,  சங்கங்கள் முதலின: ஆரோவில்[10], ஆரோவில் ஆசிரமம், ஶ்ரீ அரவிந்தர் ஆசிரமம்[11] மற்றும் இதர ஆசிரமங்கள் என்று பல புதுச்சேரியில் / பாண்டிச்சேரியில் இருந்து வருகின்றன. இவற்றை பல இந்திய மற்றும் அந்நிய நிறுவனங்கள், டிரஸ்டுகள், சொசைடிகள் நிர்வகித்து வருகின்றன. இவையெல்லாம் முதலியவை தனித்தனியானவை[12]. உள்ளூர்-வெளியூர் இந்தியர்கள் மற்றும் பிரெஞ்சு குடியுரிமைப் பெற்றவர்கள், பிரெஞ்சுக்காரர்கள், மற்ற அந்நியர்கள் என்று பலர் அதில் விருப்பங்கலைக் கொண்டுள்ளார்கள்.

ஆரோவில் பகுதியில் நடப்பதை,  ஆசிரமத்தில் நடப்பதைப் போல சித்தரித்து வரும் நிலை: குறிப்பாக ஶ்ரீ அரவிந்தர் ஆசிரமம் மற்றும் ஆரோவில் – இரண்டில் எங்கே எது நடக்கிறது என்று செய்திகளில் குறிப்பாக தெரிவிக்கப் படுவதில்லை. ஆரோவில்லில் நடப்பதை ஆசிரமத்தில் நடந்தது என்றும், ஆசிரமத்தில் நடப்பதை ஆரோவில்லில் நடந்தது என்றும் செய்திகளில் குறிப்பிட்டு வருவது வழக்கமாகியுள்ளது. இல்லை ஆரோவில் அருகிலுள்ள ஆசிரமத்தில் நடந்தது என்றும் குறிப்பிடுவர்[13]. போதாகுறைக்கு திராவிட சித்தாந்திகள், பகுத்தறிவு வகையறாக்களும் இதில் சேர்ந்து கொண்டு குட்டையைக் குழப்பி வருகின்றன[14]. கம்யூனிஸ நித்தாந்திகள், இப்பொழுது ஊடகத்துறைகளில் பயிற்சி பெற்றவர்கள், தேர்ந்தவர்கள், தங்களுக்கே உரிய பாணியில் செயல்பட்டு கொண்டிருக்கிறர்கள். செய்திகளை போட்டு வருகிறார்கள். ஆரிய—திராவிட இனவெறி சித்தாந்தங்களில் ஊரியவர்கள் வடநாட்டவரை, வங்காள மொழிபேசுபவரை எதிரிகள் போல நடத்தி வருகின்றனர்[15]. ஆன்மீகம் என்று பேசிக்கொண்டு, இவர்கள் பிரச்சினை எழும்போதெல்லாம் அதில் குளிர்காய விரும்புகின்றனர்.

இலங்கை பிரச்சினை வைத்துக் கொண்டு திகவினர் ஆசிரமத்தைத் தாக்கியது  (மார்ச்.2013): இவ்வருடம் மார்ச் மாதம் கூட, சம்பந்தமே இல்லாமல், திராவிட கழக்கத்தினர் ஶ்ரீ அரவிந்தர் ஆசிரமத்தைத் தாக்கியுள்ளனர். ஆனால், ஆரோவில்லை விட்டுவிட்டனர்[16]. இதேபோலத்தான், ஊடகத்தினரும், ஆரோவில் பகுதியில் நடப்பதை, ஆசிரமத்தில் நடப்பதைப் போல சித்தரித்து வருகின்றன. சமீபத்தில், ஒரு “டிரான்ஸ்-ஜென்டர்” தான் பாலியல் தொந்தரவு செய்யப்பட்டதாக புகார் கொடுத்தார். ஆனால், போலீஸார் பிரச்சினையை அணுகுவதில் சிக்கலாக இருந்ததால் திகைத்தனர். உடனே “புதுச்சேரி பெண்கள் வாழ ஜாக்கிரதையான இடம் இல்லை” என்றதுபோல “இந்தியன் எக்ஸ்பிரஸ்” செய்தி வெளியிட்டது[17]. எப்படி ஒரு அந்நிய பெண் காஷ்மீரத்தில் கொலை செய்யப்பட்டதும், இந்தியா அந்நியர்களுக்கு ஏற்ற நாடல்ல, உமது பெண்கள் அங்கு ஜாக்கிரதையாக இருக்க முடியாது என்று பிரச்சாரம் செய்கிறார்களோ, அதே பாணியில், இந்த பிரச்சாரமும் உள்ளது.

© வேதபிரகாஷ்

31-08-2013


[3] In October 2003, the gang war flared up once again, and another murder took place, this time in another village close by Auroville. The victim was a homeopath who had connections with one of the gangs. It did not take long before the retaliation murder occurred. On January 19th, 2004, one of the senior members of the other gang, who had just been released on bail a few days earlier, was killed in broad daylight in Edaiyanchavadi.

http://www.auroville.org/journals&media/avtoday/archive/2004-2009/2004-03/spiral_violance.htm

[7] A double murder, in which Madhivalavan (26) and Karunakaran (26) were killed in a group rivalry at Periya Mudaliar Chavadi on December 31, 2010,  http://www.hindu.com/2011/01/05/stories/2011010563250900.htm

[12] The disciples and devoted followers of Sri Aurobindo and the Mother, with a view to propagate and practise the ideals and beliefs of Sri Aurobindo formed a Society called Sri Aurobindo Society in the year 1960, which at all material times was and is still a society duly registered under the provisions of the West Bengal Societies Registration Act, 1961. This Society is completely distinct from Aurobindo Ashram in Pondicherry. The Society was established and registered for the purpose of carrying out in and out side India the several objects stated in the memorandum of the Society. http://indiankanoon.org/doc/312939/

[14] உள்ளூர் நந்தி வர்மனை உதாரணமாகச் சொல்லலாம். இதைத் தவிர, தலித், பெரியார் போர்வைகளில் கிருத்துவ, முஸ்லிம், கம்யூனிஸ்ட் கோஷ்டிகள் வேலை செய்து வருகின்றன. விடுதலை சிறுத்தைகள், தேதிமுக போன்றோரும் அவற்ரின் அமைப்புகளும் வேலை செய்து வருகின்றன.

நித்யானந்தா, மதுரை ஆதீனம், இளைய பட்டம்: சட்டம், பாரம்பரியம், சம்பிரதாயம், செக்யூலரிஸம் (3)!

மே6, 2012

நித்யானந்தா, மதுரை ஆதீனம், இளைய பட்டம்: சட்டம், பாரம்பரியம், சம்பிரதாயம், செக்யூலரிஸம் (3)!

கருணாநிதி பாதையில் ஜெயலலிதா செல்கிறாரோ அல்லது திட்டமிட்டு நடக்கும் நாடகமா – யார் சூத்திரதாரி? சொல்லிவைத்தால் போல, மதுரை ஆதீனத்தில் தொடர்ந்து ஏற்படும் நிகழ்ச்சிகள், அதுவும், குறிப்பாக விஷேச நாட்களில் – மதுரை கோவிலில் மீனாட்சி-சுந்தரேஷ்வர் திருக்கல்யாணம், கள்ளழகர் வைகையில் இறங்குவது, சித்திரா பௌர்ணமி முதலியவை, முன்பு காஞ்சிமடம் சங்கராச்சாரியாரை தீபாவளி சமயத்தில் கைது செய்ததைப் போலவே நடக்கின்றன.

மற்றமத மடாதிபதிகள் ஏகப்பட்ட குற்றங்களில் சிக்கியுள்ளபோதிலும், அங்குக் காட்டப்படாத அக்கரை, கவனம், ஜாக்கிரதை, சாமர்த்தியம், சாதுர்யம் எல்லாமே இங்குக் காட்டப் படுகின்றன. ஆக இது திட்டமிட்டு நடக்கும் நாடகமே என்றுதான் எண்ணத்தோன்றுகிறடது. அதாவது, “நித்யானந்தா” என்ற பெயரில் இந்து மடாயத்தின் மீது தாக்குதல் நடக்கிறது. முடிவில் அரசே இந்த மடாலயத்தின் நிர்வாகத்தை ஏற்றுக் கொள்ளலாம். எனவே கருணாநிதி பாதையில் ஜெயலலிதா செல்கிறாரோ என்ற சந்தேகமும் எழுகிறது. கடந்த 1300 ஆண்டுகளாக இந்துக்கள் பலத்ரப்பட்ட தாக்குதல்களுக்குட்பட்டு வாழ்ந்து வந்துள்ளார்கள். இஸ்லாமிய-கிருத்துவ ஆட்சிகளுக்குப் பிறகு சுதந்திரம் கிடைத்தாலும், செக்யூலரிஸம் என்ற போர்வையில், எல்லோரும் சேர்ந்து இந்துக்களை இரண்டாம் தர குடிமக்களாக்கி ஆண்டு வருகிறார்கள். இந்துக்களின் பற்பல உரிமைகள் பறிக்கப்பட்டு வந்துள்ளன. செக்யூலரிஸ மாயையில் அவ்வாறு ப்பறிக்கப்பட்டுள்ளதே தெரியாமல் இந்துக்கள் தங்களது சொந்த நாட்டில் அடிமைகளாக வாந்து வருகிறார்கள்.

ஒருபக்கம் ரெய்டு நடந்து கொண்டேயிருக்கிறது, மறுபக்கம் மீனாட்சி-சுந்தரேஷ்வர் திருக்கல்யாணம், கள்ளழகர் வைகையில் இறங்குவது முதலியவற்றைப் பற்றி அந்த நாத்திக ஊடகங்கள் வெட்கமில்லாமல் நேரடி ஒலி-ஒளிபரப்பு செய்து வருகின்றன.

மதுரை ஆதீனம் மடத்தில் ரெய்டு: மதுரை ஆதீன மடத்தில் வருமானவரித் துறை அதிகாரிகள் நேற்று 6 மணி நேரம் அதிரடி சோதனை நடத்தினர்[1]. இதில் ஏராளமான ஆவணங்களை கைப்பற்றினர். ஆதீனம் அருணகிரிநாதர் உள்பட ஊழியர்களிடம் விசாரணை நடத்தினர்[2]. இதனால், மதுரையில் பரபரப்பு ஏற்பட்டது. சைவ சமயத்தை பரப்பும் நோக்கில் திருஞானசம்பந்தரால் மதுரை ஆதீனம் தோற்றுவிக்கப் பட்டது. இங்கு 1980,ல் 292வது அருணகிரிநாதர் ஆதீனமாக பொறுப்பேற்றார். இவர் 2004ல் இளைய ஆதீனமாக சுவாமிநாதன் என்ற 15 வயது சிறுவனை அறிவித்தார். அதன்பின் சில நாட்களிலேயே சுவாமிநாதன் நீக்கப்பட்டார்.  8 ஆண்டுகளாக தனக்கு வாரிசாக யாரையும் நியமிக்காத மதுரை ஆதீனம் அருணகிரிநாதர் தற்போது பாலியல் குற்றச்சாட்டுக்கு உள்ளான சாமியார் நித்தியானந்தாவை 293வது ஆதீனமாக அறிவித்தார்.

இதற்கு இந்து மத அமைப்புகள் (இந்து மக்கள் கட்சி) மற்றும் பக்தர்கள் (அல்லது பக்தர்கள் போர்வைல் நாத்திகர்கள், இந்துமத விரோதிகள்) இடையே பெரும் எதிர்ப்பு கிளம்பியது. இந்த நியமனத்தை எதிர்த்து போராட்டங்கள் வலுத்துள்ள நிலையில் சென்னை, மதுரை உயர் நீதிமன்றங்களில் வழக்குகளும் தாக்கல் செய்யப்பட்டன. ஆதீன சொத்துக்களை நிர்வகிப்பதில் பழைய நிலையே நீடிக்க வேண்டும் என சென்னை உயர் நீதிமன்றம் உத்தரவிட்டுள்ளது. மேலும் பல்வேறு ஆதீனங்களின் மடாதிபதிகள் நித்தியானந்தா நியமனத்தை ஏற்கவில்லை. இந்த ஆதீனங்கள் சேர்ந்து, நித்தியானந்தாவின் நியமனத்தை கண்டித்து தீர்மானம் நிறைவேற்றியுள்ளனர். இப்படி இவ்வளவு வேகமாக அரசு எந்திரங்கள் முடுக்கிவிடப்பட்டுள்ளன, அவை உடனே விடுமுறை நாட்களில் துரிதமாக வேலை செய்கின்றன என்பதை மக்கள் கவனிக்க வேண்டும். தீவிரவாதிகள் குண்டு வைத்தால் கூட தூங்கிக் கொண்டிருக்கும் மத்தொய சோனியா மெய்னோ அரசு, எப்படி இந்த விஷயத்தில் இவ்வளவு வேகமால்ச் செயல்படுகிறது என்பதனைப் பார்க்க வேண்டும். உண்மையில் தில்லியில் தீவிரவாதத் தடுப்பு மையம் அமைக்கத்தான் பெரிய கூட்டமே கூட்டப்பட்டுள்ளது. அங்கு தமிழக முதல்வரும் சென்றுள்ளார். அந்நேரத்தில் தான் தில்லியிலிருந்து வந்துள்ள ஆணையின்படி சோதனை நல்லநாளில் நடக்கிறதாம்!

தில்லியிலிருந்து வந்துள்ள உத்தரவு படி தாங்கள் சோதனை நடத்துவதாகவும், அதற்குமேல் ஒன்றும் சொல்லமுடியாது: 12 அதிகாரிகள் குழு இந்நிலையில், மதுரை ஆதீன மடத்திற்கு 05-05-2012 சனிக்கிழமை காலை 8 மணிக்கு வருமான வரி மண்டல இயக்குனர் கிருஷ்ணசாமி உத்தரவுப்படி, வருமானவரித் துறை துணை இயக்குநர் சுந்தரேசன் தலைமையில், 3 கார்களில் 2 பெண்கள் உள்ளிட்ட 12 அதிகாரிகள் வந்தனர். காலை 7.30 மணிக்கு துவங்கிய அதிரடி சோதனைகள் மற்றும் விசாரணை மதியம் 1.30 மணி வரை நடந்தது[3]. மடத்திற்குள் 4 பிரிவுகளாக பிரிந்து இவர்கள் சோதனையில் ஈடுபட்டனர். ஆதீன மடத்தின் மூன்று வாசல்களும் அடைக்கப்பட்டு துப்பாக்கி ஏந்திய புறநகர் போலீசார் நிறுத்தப்பட்டு பாதுகாப்பு ஏற்பாடுகள் செய்யப்பட்டிருந்தன. மடத்துக்குள் இருந்த ஊழியர்கள் வெளியே செல்ல அனுமதிக்கப் படவில்லை. ஆதீனத்திடம் விசாரணை சித்ரா பவுர்ணமி நாளான அன்று, திருவண்ணாமலையில் நித்யானந்தாவுக்கு நடத்திய பட்டாபிஷேகத்தில் பங்கேற்க நேற்று காலை மதுரையில் இருந்து ஆதீனம் அருணகிரிநாதர் கிளம்புவதாக இருந்தார். வருமான வரித் துறையினர் சோதனை நடத்த மடத்திற்கு வந்ததால் அவரது பயணத்தை ஒத்திவைத்தார். அதிகாரிகள் அவரிடம் விசாரணை நடத்தினர். மேலும் ஆதீன மடத்திலிருந்த அவரது பெண் உதவியாளர் வைஷ்ணவியிடமும் விசாரணை நடத்தப்பட்டது. மேலும் நித்தியானந்தா, அருணகிரிநாத சுவாமிகளின் ஆட்களிடமும் அதிகாரிகள் விசாரித்தனர். மடத்திலுள்ள வரவு, செலவு ஆவணங்கள், நகைகள் உள்ளிட்ட ஆபரணங்கள் குறித்தும் துருவி துருவி விசாரணை நடத்தப்பட்டது.

தில்லியிலிருந்து வந்துள்ள உத்தரவு படி தாங்கள் சோதனை நடத்துவதாகவும், அதற்குமேல் ஒன்றும் சொல்லமுடியாது என்று மடத்திற்கு வந்திருந்த வருவாய் துறை அதிகாரிகள் கூறினர்[4]. ஆவணங்கள் மற்றும் பணம் பறிமுதல் செய்யப்பட்டதாக அறிவித்தனர். அப்படியென்ன மதுரையில் விஷேசம் என்று தெரியவில்லை. ஆவணங்கள் மற்றும் பணம் பறிமுதல் செய்யப்பட்டதாக அறிவித்தனர். மூன்று / நான்கு பெட்டிகளில் ஆவணங்கள் அள்ளிச் செல்லப் பட்டதாக ஊடகங்கள் அறிவித்தன, காண்பித்தன. மடத்தின் கணக்குகள் இந்து அறநிலையத்துறை மற்றும் தனியார் பட்டியல் கணக்காளர்களால் சரிபார்க்கப் பட்டு, சான்றிதழ் கொடுக்கப்பட்டுள்ளன. அப்படியென்றால் அவர்கள் இடங்களிலும் ரெய்டு நடத்தப்படுமா என்று தெரியவில்லை. அரசு கட்டுப்பாட்டில் இருக்கும் மடத்தில் இப்படி ரெய்டு நடந்தால், அரசு என்ன செய்யும், குறிப்பாக இந்து அறநிலையத்துறை என்ன செய்யும் என்று பார்க்க வேண்டும். பக்தர்களால் கொடுக்கப் படும் “பாதக்காணிக்கை” வருவாய் துறை சட்டத்தின் கீழ் விலக்கு அளிக்கப் பட்டுள்ளது. Officials said they were conducting the raid on orders from their Delhi counterparts and they had seized some documents and cash but declined to give details[5]……………They assessed the value of the “golden” crown and “golden” throne, which was brought to the mutt before anointment of Nityananda as the 293rd mutt head besides the jewellery in the mutt premises, IT officials said……..The officials also made inquiries with the Adheenam Arunagirinatha Gnanasambandha Desiga Paramacharya Swami……….their accounts were audited both by the Hindu Religious and Charitable Endowments department and their own auditors. They said the Adheenam (mutt head) would be offered “Padakanikai” (money given by devotees), which was exempted from Income Tax[6]. …………...Nityananda, who is the first person outside the Saiva Velalar community to be appointed as Mutt chief, had landed in a controversy after a video footage showing him in a compromising position with an actress was telecast by local TV channels in March 2010.  He was arrested on Apr 21, 2010 from Solan in Himachal Pradesh and granted bail on June 11, 2010 by the Karnataka High Court.

மதுரை ஆதீனத்திற்கு ஒரு கோடி ரூபாய் குரு காணிக்கை அளித்துள்ளதாக நித்தியானந்தா, பத்திரிகையாளர்களிடம் வெளிப்படையாக அறிவித்தார். மேலும் ரூ.4 கோடி அளிப்பேன் எனவும் தெரிவித்திருந்தார். மேலும் ஆதீனம் நியமனத்தில் பல கோடிகள் கைமாறியிருக்கலாம் என்ற தகவல்களும் வெளியாகியுள்ளன. 4 பெட்டிகளில்  ஆவணங்கள் மதுரை ஆதீனத்திற்கு ரூ.1,300 கோடி மதிப்பில் மதுரை, திருச்செந்தூர், தஞ்சாவூர் உள்பட தமிழகம் முழுவதிலும் பல நூறு ஏக்கர் நிலம் உள்ளிட்ட சொத்துக்கள் உள்ளன. தற்போது நித்தியானந்தா ஆதீனமாக பொறுப்பேற்றுள்ளதை தொடர்ந்து இந்த சொத்துக்களை நிர்வகிப்பதில் பல குளறுபடிகள் நடந்துள்ளதாக தகவல்கள் வெளியாகின. இந்த சொத்துக்களுக்கான வாடகை வசூலிப்பது, மடத்தின் கணக்குகள் பராமரிப்பதில் பல கோடிக்கு குளறுபடி நடந்துள்ளதாகவும் ரகசிய தகவல்கள் அடங்கிய ஏராளமான கடிதங்கள் வருமான வரித் துறைக்கு அனுப்பப்பட்டுள்ளன[7]. இதன் பேரிலேயே வருமான வரித் துறை அதிகாரிகள் இச்சோதனையில் ஈடுபட்டிருப்பது தெரியவந்துள்ளது. சோதனையின் முடிவில், ஆதீன மடத்துக்கு வந்த வருவாய், செலவு, சொத்து விவரங்கள், மடத்துக்கு பெறப்பட்ட நிதி உள்ளிட்ட பல்வேறு தகவல்களுக்கான ஆவணங்களை 4 பெட்டிகளில் அதிகாரிகள் அள்ளிச் சென்றனர்.   நிகழ்வுகள் வீடியோவில் பதிவு செய்யப்பட்டன. ரெய்டு குறித்து கூற அதிகாரிகள் மறுத்தனர்.  இந்த ஆவணங்களை பரிசீலித்த பிறகே மதுரை ஆதீனம் வரி ஏய்ப்புகளில் ஈடுபட்டுள்ளதா என்பது தெரிய வரும்[8].

மதுரை ஆதீன மடத்தின் சொத்து ரூ.1,300 கோடி: மதுரை தெற்கு ஆவணி மூல வீதியில் உள்ளது மதுரை ஆதீன மடம். இந்த மடத்தை சார்ந்து 50க்கும் மேற்பட்ட வணிக வளாகங்கள் உள்ளன. இங்கு தற்போது நகைக் கடைகள் மற்றும் ஓட்டல்கள் உள்ளன. மதுரை முனிச்சாலையில் உள்ள பழைய தினமணி தியேட்டர் ஆதீன மடத்திற்கு சொந்தமானது. தற்போது இது காலியிடமாக உள்ளது. இங்குதான் மருத்துவமனை அமைக்க உள்ளதாக நித்தியானந்தா அறிவித்துள்ளார். அவனியாபுரத்தில் 100 ஏக்கர் நிலம் ஆதீன மடத்திற்கு சொந்தமானது. விருதுநகர் மாவட்டம் ஆவியூர் அருகே குரண்டியில் சுமார் 650 ஏக்கர் நிலமும் ஆதீன மடத்திற்கு சொந்தமானது. இது தனியார் நிறுவனத்திற்கு குத்தகைக்கு விடப்பட்டுள்ளது. திருச்செந்தூர் மற்றும் மேலூரில் தனித்தனி கட்டிடங்கள் உள்ளன. மதுரையை ஆண்ட மன்னன் கூன்பாண்டியன் 1200 ஏக்கர் நிலத்தை மதுரை ஆதீனத்திற்கு வழங்கியதாகவும் கூறப்படுகிறது. தவிர தஞ்சாவூரில் உள்ள கஞ்சனூர் உள்ளிட்ட பல்வேறு ஊர்களில் சொத்துக்கள் அதிகமாக உள்ளன. கடந்த சில ஆண்டுகளுக்கு முன்பே மதுரை ஆதீனத்தின் சொத்து மதிப்பு ரூ.1,300 கோடியை தாண்டும் என மதிப்பிடப்பட்டது. தற்போது இதன் மதிப்பு மேலும் பல ஆயிரம் கோடியை தாண்டும் என கணிக்கப்படுகிறது.

நித்தியானந்தாவால் தலைகுனிவு[9]: சைவ சமயம் பரப்பும் உயர்ந்த நோக்கில் துவக்கப்பட்ட ஆதீன மடத்திற்குள் நேற்று முதல் முறையாக வருமான வரித் துறை புகுந்து சோதனை நடத்தியுள்ளது. இது பக்தர்களிடையே பெரும் கவலையை ஏற்படுத்தியுள்ளது. இது குறித்து இந்து மக்கள் கட்சி மாவட்டத் தலைவர் சோலைக் கண்ணன் கூறுகையில், “ஆதீன மடத்தில் வருமான வரித்துறைச் சோதனையை வரவேற்றபோதும், கடந்த காலத்தில் எந்த குற்றச்சாட்டுக்கும் ஆளாகாமல் இருந்த இம்மடத்தில் இப்போது பாலியல் புகாருக்கு ஆளான நித்தியானந்தா நியமனத்தால் இம்மடம் அதிகாரிகளின் சோதனைக்கு ஆளாகியிருக்கிறது. இது சிவனடியார்களையும், பக்தர்களையும் வேதனைப்படுத்துகிறது. இம்மடத்தின் புனிதம் காக்க தமிழக அரசும், இந்து அறநிலையத் துறையும் விரைந்து நடவடிக்கை மேற்கொள்ள வேண்டும்”, என்றார்

மதுரை மீனாட்சியம்மன் பிள்ளைகள் அமைப்பு நிர்வாகி ஜானகிராமன் கூறுகையில், மதுரையின் தொன்மையான ஆதீனமடம் தவறான நபருக்கு தரப்பட்ட தலைமையால் புனிதம் இழந்திருக்கிறது. இச்சோதனை நடத்தும் அளவிற்கு இம்மடம் சென்றிருப்பது பக்தர்களான எங்களையும், மதுரை மக்களையும் வேதனைப்படுத்தியுள்ளது என்றார். ஊடகங்கள் ஜாதி அடிப்படையில் விளக்கம் அளிப்பது, நித்யானந்தா முதலியார், ஆகையால் மடாதிபதி ஆகக்கூடாது, சைவப்பிள்ளைமார் தான் ஆகலாம் என்றெல்லாம் விளக்கம் அளிப்பது, அதுபோல, அச்சங்கத்தின் சார்பாக திடீரென்று வந்து பேட்டிக் கொடுப்பது, முதலியன இயற்கையாக நடப்பது போல இல்லை.

பிள்ளையைக் கிள்ளி விட்டு தொட்டிலை ஆட்டும் “இந்து மக்கள் கட்சி” இவ்வாறேல்லாம் பேசுவது வேடிக்கைதான். உண்மையிலேயே இந்துக்கள் கோவில்களில், மடாலயங்களில் அக்கரைக் காடுவதாக இருந்தால், அவை முதலில் அரசின் பிடியிலிருந்து வெளிவரவேண்டும் என்பதனை உணரவேண்டும்.

தி.மு.க., மீது குற்றச்சாட்டு: நித்தியானந்தாவின் பி.ஆர்.ஓ., பாண்டிசெல்வம், “பிடதி ஆசிரமத்தில் நடக்காத ரெய்டா, இங்கு நடந்து விடப்போகிறது. அங்கு, ருத்ராட்சம் மாலைக்கு கூட கணக்கு இருந்தது. மதுரை ஆதீனத்தில் ரெய்டு நடக்கும் என தெரியும். ஆதீனம், நித்தியானந்தா மீது தமிழக அரசு நல்ல மதிப்பு வைத்துள்ளது. இதனால் மத்திய அரசு மூலம் மிரட்டல் விடுக்கின்றனர். இதன் பின்னணியில் தி.மு.க., மத்திய அமைச்சர் பழனிமாணிக்கம் இருக்கிறார். மேலும் ஆதீனம் திருவண்ணாமலைக்கு செல்வதும்[10] தடுக்கப் பார்க்கிறார்கள்,” என்றார்[11]. ரெய்டுக்கு பின் ஆதீனம் திருவண்ணாமலை சென்றார். அவர், “கணக்குகளை சரிபார்க்க வந்தனர். அவ்வளவு தான்,” என்றார். மடத்தில் ரெய்டு நடந்ததால் காலை, மதிய அன்னதானம் மற்றும் உச்சிகால பூஜை நிறுத்தப்பட்டது. இதெல்லாம் பாரம்பரியத்திற்கு விரோதமானது என்று யாருக்கும் தெரியவில்லை போலிருக்கிறது. குறிப்பாக இந்து மக்கள் கட்சிற்கு புரியவில்லை போலும்!

நித்தியானந்தாவின் சீடர்களுக்கு மதியம் சாதத்துடன் முருங்கைக்காய் சாம்பார், முருங்கைக்கீரை மற்றும் “புடலை’ பொறியல் பரிமாறப்பட்டது[12]. தினமலர் இப்படி “கொசுரு” சேர்ந்துப் போட்டுள்ளது. மடாலயங்களில் முருங்கைக்காய் சாம்பார் முதலியன போடுவது ஒன்றும் அதிசயமான நிகழ்வல்ல. இருப்பினும் அதில் குதர்க்கத்தைக் காணுவது தினமலர் நாகரிகம் போலும். மடத்தில் ரெய்டு நடந்ததால் காலை, மதிய அன்னதானம் மற்றும் உச்சிகால பூஜை நிறுத்தப்பட்டது, என்று சொல்லும் போது, நித்தியானந்தாவின் சீடர்களுக்கு மதியம் சாதத்துடன் முருங்கைக்காய் சாம்பார், முருங்கைக்கீரை மற்றும் “புடலை’ பொறியல் பரிமாறப்பட்டது என்று தினமலருக்கு எப்படி தெரிந்தது என்று தெரியவில்லை!

வக்கிரபுத்தியுடன் இப்படி மேன்மேலும் அவதூறுகளை வாரியிரைக்கத்தான் இத்தனையும் நடக்கிறது என்று நினைத்தது, இவ்வாறு பல இடங்களில் வெளிப்படுகிறது. இதனால்தான், இந்துக்களின் நலன்களுக்கு எதிராக இவையெல்லாம் திட்டமிட்டே நடக்கின்றன என்று பலமுறை எடுத்துக் காட்டப்படுகின்றன.

மத்திய புலனாய்வு, உளவுத்துறை உஷார்[13]: மத்திய புலனாய்வு, மாநில உளவுத்துறையினர் மடத்திற்குள்ளும், வெளியிலும் கண்காணித்தனர். ஆஹா அவர்களின் தேசபக்தி, நாட்டுப் பற்று புல்லரிக்க வைக்கிறது. இந்து மக்கள் கட்சி மாவட்ட தலைவர் சோலைகண்ணன், தேவர் தேசிய பேரவை தலைவர் திருமாறன்

உட்பட சிலர் “மடத்தை மீட்கும் வரை போராடுவோம். முதற்கட்டமாக போலீஸ் கமிஷனிடம் புகார் அளித்தோம்,” என்றனர். அதாவது, இந்துமடத்தை மொத்தமாக இழுத்து மூடுவோம் அல்லது தனியார் மயமாக்கிக் கொள்ளையெடிப்போம் என்கிறார்கள் போலும். அர்சிடமிருந்து மீட்போம் என்று அவர்களுக்கு ஏன் தெரியவில்லை? மதுரை ஆதீனத்தில் வருமான வரித்துறை சோதனை நடத்தி இருப்பதன் மூலம் மத்திய அரசு விழித்துக் கொண்டுள்ளது. ஆனால் மாநில அரசு இதுவரை எந்த நடவடிக்கையும் எடுக்கவில்லை[14]. மாநில அரசு இதுதொடர்பாக உரிய நடவடிக்கை எடுத்து ஆதீன சொத்துக்களை மீட்க வேண்டும் என்றார். இந்தியாவில் இஸ்லாமிய-ஜிஹாத் தீவிரவாதிகளுக்குப் பிறகு, இப்பொழுது மாவோயிஸ்ட் தீவிரவாதிகள் (இதில் கிருத்துவ-முஸ்லீம்கள் அடக்கம்) செய்யும் மனிதவிரோத குற்றங்கள், கொலைகள், கொள்ளைகள் தாம் அதிகம். அவர்கள் தாராளமாக உலா வருகிறார்கள். அரசுடன் ஜாலியாக பேச்சுவார்த்தை நடத்துகிறார்கள். அதிகாரிகளை [பிட்த்து வைத்துக் கொண்டு பணம் கேட்டுப் பெறுகிறார்கள்; பாதக கொடூர குரூர குற்றங்களை செய்தவர்களை மீட்டுச் செல்கிறார்கள்; ஆனால்  இந்த மத்திய புலனாய்வு, உளவுத்துறைகள் அங்கு ஏன் ஒன்றும் செயவதில்லை என்று தெரியவில்லை. ஆனால், இந்து மடாலயங்கள் என்றால் அணிவகுத்துக் கொண்டு வந்து விடுகின்றன. அதெப்படி?

இங்குதான் இந்திய செக்யூலரிஸத்தின் மீது சந்தேகம் வருகிறது. சோனியா மெய்னோவின் மீதும் சந்தேகம் வலுப்படுறது. ஏனெனில், அந்தந்த அமைச்சர்களுக்குத் தெரியாமல், இந்தத் துறையினர் இப்படி போட்டிப் போட்டுக் கொண்டு வேலை செய்ய முடியாது. தில்லியிலிருந்து ஆணைப் பெறாமல் தன்னிச்சையாக செயல்பட முடியாது.

  • Ø  ஆகவே, யார் இவர்களுக்கு ஆணையிட்டது?
  • Ø  ஏன் அத்தகைய அதிரடி ஆணைகள் பிறப்பிக்கப் பட்டன?
  • Ø  அதன் பின்னணி என்ன?
  • Ø  தீவிரவாதிகளைக் கண்காணிப்பதைவிட, ஒரு சாதாரண மடத்தலைவரை ஏன் இப்படி கண்காணிக்க வேண்டும்?
  • Ø  அந்த அளவிற்கு அப்படியென்ன பெரிய முக்கியத்துவம், மகத்துவம் இவ்விஷயத்தில் வந்து விட்டது?

 இந்துக்கள் இத்தகைய கேள்விகளுக்கு நிச்சயமாக இதற்கு விடை காண வேண்டும். “இந்து மக்கள் கட்சி” போன்ற ஆட்களிடம் கேட்கவேண்டும்.

  • Ø  ஒருவேளை “நித்யானந்தாவே” இந்துக்களுக்கு எதிராக உருவாக்கப் பட்ட ஒரு அடையாளச் சின்னமா?
  • Ø  தாக்குதலுக்குட்பட்டு வரும் குறியா-குறியீடா?
  • Ø  அத்தகைய போர்வையில் இந்துமதம் வசதியாகத் தாக்கப் பட்டு வருகிறதா?
  • Ø  படித்த அல்லது விஷயம் தெரிந்த இந்துக்கள் இவற்றால் குழப்பப் பட்டு வருகிறார்களா?
  • Ø  வ்வாறே அவர்கள் இந்துமத நலன்களுக்கு எதிராக பேச, செயல்பட ஊக்குவிக்கப்படுகிறார்களா?
  • Ø  இவையெல்லாம் மனோதத்துவ ரீதியில் இந்துக்களுக்கு எதிராக தொடுக்கப்பட்டு வரும் போரா?
  • Ø  அவ்வாறான அதிநவீன மனோதத்துவ-பிரச்சார போர்கள் அவர்கள் மீது நடக்கின்றன என்பதனை இந்துக்கள் அறிவார்களா?
  • Ø  இந்துக்கள் இத்தகைய அதிநவீன மனோதத்துவ-பிரச்சார போர்முறைகளினின்று மீள முட்யுமா?
  • Ø  அவற்றிலிருந்து தம்மை முதலில் காத்துக் கொள்ள என்ன செய்யப் போகிறார்கள்?
  • Ø  பிறகு அவற்றை தகுந்தமுறையில் எதிர்கொண்டு போராட என்ன யுக்திகளை வைத்துள்ளார்கள்?
  • Ø  இல்லை ஒன்றுமே தெரியாமல் “பலி ஆடுகளாக” அப்படியே இருந்து சாகப்போகிறார்களா?

 

வேதபிரகாஷ்

06-05-2012


[7] அதெப்படி மதுரை ஆதின மடத்தை மட்டும் குறிவைத்து அத்தகைய கடிதங்கள் வருவாய் துறைக்குச் செல்கின்றன என்று தெரியவில்லை. அப்படியே வந்தாலும், அதெப்படி குறிப்பாக இப்படி நல்ல நாட்களில் வந்து ரெய்டு செய்ய வேண்டும் என்று தில்லியில் யார் சொல்லி அனுப்புகிறார்கள் என்று தெரியவில்லை.

நித்தமும் நித்யானந்தா: ஊடகங்களை உசுப்பிவிடும், மனங்களை கிளப்பிவிடும் மற்றவர்களை அலையவிடும் பித்தம்!

பிப்ரவரி2, 2011

நித்தமும் நித்யானந்தா: ஊடகங்களை உசுப்பிவிடும், மனங்களை கிளப்பிவிடும் மற்றவர்களை அலையவிடும் பித்தம்!

நித்யானந்தா என்றாலே, ஊடகங்காரர்களுக்கு கிளுகிளுப்புதான், ஜொல்லுவிடுவதில் அலாதியான திறமைதான், படிப்பவர்களுக்கு ஜிலு-ஜிலுப்புத்தான். என்னடா கிடைக்கும் என்று அலைபாயும் மனங்களுடந்தான் மொய்க்கிறார்கள். அட கோபாலுகுக்குத் தான், என்ன கரிஷனம், நித்தி-நித்தி என்று செம்மொழி மாநாட்டிலேயே கொஞ்சி கொஞ்சி பேசியபோது, கருணாநிதி குடும்பத்தினரே நெளிந்துவிட்டனர். ஆனால், அப்பொழுதுதான், வெளியே விட்டார், ஒரு விஷயத்தை – ஆமாம், மாநாட்டு மலைக்கூட லெனின் குருப்புததான் அமைத்தாராம்! நல்லவேளை, அட்டை பத்திரமாகத்தான் இருந்தது போலும்! நிர்வாணமாக்கப் படவில்லை! செவ்வாய்கிழமை நித்யானந்ததவின் நீண்ட பேட்டியில், பல விஷயங்களைப் பற்றி பேசியுள்ளது, ஆச்சரியமானதுதான்! ஓரளவிற்கு, அவற்றைத் தொகுத்துக் கீழ்கண்டமுரறையில் அளித்துள்ளேன்.

லிங்கத்தைப் பற்றிய அவதூறான, ஆபாசாமான விளக்கம்[1]: தான் தந்திர ரீதியிலான செக்ஸைப் பற்றிக் குறிப்பிட்டதையும் திரித்துக் கூறப்பட்டது. “லிங்கத்தைப் பற்றி அவதூறான, ஆபாசாமான விளக்கம் கொடுக்கப் பட்டு, சில போலி ஆவணங்களுடன் ஒரு கட்டுரை அமெரிக்காவில் தயாரிக்கப்பட்டது. அந்த அமரிக்கக் கும்பல்[2] அதற்காகவே, பிரத்யேகமாக வேலை செய்ததாகத் தெரிகின்றது. ஊடகங்களில் அவை வெளியானப் பிறகுதான், அதைப் பற்றி எனக்குத் தெரிய வந்தது”, என்றார் நித்யானந்தா. வெளிநாட்டவரைப் பொறுத்தவரைக்கும், இன்றளவில் அத்தகைய திரிபுவாத விளக்கத்தைக் கொடுத்துவர்வது, வியப்பான விஷயமாகும்.

மைக்கேல் ஜாக்ஸனும், நிதாயனந்தாவும்[3]: நித்யானந்தா சொல்கிறார், “இணைதளங்கள் வேலைசெய்வதில் நின்று போனதாக, உலகத்தில் இரண்டு முறைதான் நிகழ்ந்துள்ளன. ஒன்று மைக்கேல் ஜாக்ஸன் இறந்தபோது, இரண்டு, என்னைப் பற்றிய வீடியோ படங்கள் வெளியிட்டபோது. ஆனால், மைக்கேல் ஜாக்ஸன் அதற்காக ஆட்ப்பாடி, குதிக்க வேண்டியிருந்தது, உலகமெல்லாம் சுற்றிவர வேண்டியிருந்தது. நான் எதுவுமே செய்யாமல், அந்த நிலை கிடைத்துவிட்டது” (என்று நக்கலாக, ஏளனத்துடன் கூறினார்). அதாவது, ததன் மைக்கேல் ஜாக்ஸனை விட இந்த விஷயத்தில் பெரியவர், என்று முறையில் பேசியது விசித்திரமாக இருந்தது.

இரண்டு சக்தி வாய்ந்த மனிதர்கள் மிரட்டினராம்! பெங்களூரு :””நூறு கோடி ரூபாய் கேட்டு, இரண்டு, “சக்தி வாய்ந்த’ மனிதர்கள், என் சீடர்கள் மூலம் மிரட்டினர். அவர்கள் யார் என்பதை, தற்போது என்னால் சொல்ல முடியாது. இதை நான் தெரிவித்தால், என் உயிருக்கும், எனக்கும் பாதுகாப்பு இல்லாமல் போய்விடும். என் மீது கூறப்பட்ட புகார்களுக்கு, எந்தவித சாட்சிகளும் இல்லை. என் பாஸ்போர்ட், வங்கி கணக்குகள் முடக்கப்பட்டன. இவை அனைத்தும் சட்டத்திற்கு புறம்பான செயலாகும். இதனால், சட்ட உதவியை நாட முடியவில்லை. கர்நாடக-தமிழக போலீஸார் எனக்கு எதிராக வேலை செய்கின்றனர்.[4],” என, சாமியார் நித்யானந்தா நேற்று கூறினார்.

திமுகவிற்கு வேண்டிய சாமியார் யார்? ஆளும் திமுக அரசியல்வாதிகள் மற்றும் அவர்களுக்கு மிகவும் நெருக்கமான ஒரு சாமியார்தான் இதன் பின்னணியில் உள்ளார், என்பதனை மறைமுகமாக, சில வார்த்தைகளினால் உணர்த்தினார்[5]. அந்த சாமியாரின் பெயரைப் பற்றிக் குறிப்பிடாமல் இருந்தாலும், பெங்களூரைச் சேர்ந்தவர்[6] என்று குறிப்பிட்டதால், அது யார் என்று யூகிக்கக் கூடிய முறையில் உள்ளதாக, நிருபர்கள் பேசிக் கொண்டார்கள். ஜக்கி வாசுதேவா அல்லது ஸ்ரீரவிசங்கரா என்றுதான் புதிராக இருந்தது.

வீடியோவில் இருப்பது நான் இல்லை மறுபடியும் நித்யானந்தா சொல்கிறார்! நீண்ட நாட்களுக்கு பின், பிடதி ஆசிரமத்தில் சாமியார் நித்யானந்தா நிருபர்களுக்கு அளித்த பரபரப்பு பேட்டியில் கூறியதாவது[7]:என்னைப் பற்றி வெளியிடப்பட்ட வீடியோவில் இருப்பது நானில்லை. முழுக்க, முழுக்க டிஜிட்டல் மூலம் அதை தயாரித்துள்ளனர்; நடிகை ரஞ்சிதாவுடன் நான் இருப்பது போன்று வெளியான வீடியோ காட்சிகள் தொலைக்காட்சிகளில் வெளியானது. இது முற்றிலும் பொய்யானது. நடிகை ரஞ்சிதாவுடன் இருப்பது நானோ, எனது உடலோ அல்ல. இந்த வீடியோ காட்சிகள் பொய் என்று அமெரிக்காவில் ஆராய்ச்சியாளர்கள் கூறி இருக்கிறார்கள். நவீன தொழில் நுட்பத்தை பயன்படுத்தி இந்த வீடியோ காட்சிகளை திரித்து வெளியிட்டு உள்ளனர்[8]. லெனின் மட்டும் செய்த வேலையல்ல இது. லெனினுக்கு பின்னணியில், இரண்டு, “சக்தி வாய்ந்தநபர்கள் உள்ளனர்.

போலீஸாரின் வழக்குப் பதிவே சொதப்பலானது: “போலீசார் தாக்கல் செய்த குற்றப்பத்திரிகையில், நான் கற்பழித்ததாக கூறப்படும் பெண் யார் என்றே குறிப்பிடப்படவில்லை. என் மீது 376-வது பிரிவின் கீழ் கற்பழிப்பு வழக்கு பதிவு செய்துள்ளனர். ஆனால் பாதிக்கப்பட்டவர்கள் யாருமே இல்லாத நிலையில் என் மீது சட்டவிரோதமாக இந்த நடவடிக்கையை போலீசார் எடுத்து உள்ளனர். இந்தியாவில் இப்படி ஒரு வழக்கு முன் எப்போதும் பதிவு செய்யப்படவில்லை. இது எனக்கு ஆச்சரியமாக இருக்கிறது. என் மீது போலீசார் தொடக்கம் முதலே சட்டவிரோதமாக நடவடிக்கையை எடுத்து வருகிறார்கள். என்னால் செக்ஸ் ரீதியாக பாதிக்கப்பட்டவர்கள் யார்? என்று கோர்ட்டில் தாக்கல் செய்யப்பட்ட குற்றபத்திரிகையில் கூட தெரிவிக்கவில்லை. போலீசார் தொடர்ந்து எனக்கும், எனது பக்தர்களுக்கும் துன்புறுத்தல்களை, தொந்தரவுகளை கொடுத்து வருகிறார்கள். இதனால் நாங்கள் மனரீதியாக பாதிக்கப்பட்டு உள்ளோம். இந்தியாவில் இது போன்ற குற்றப்பத்திரிகையை யாரும் தாக்கல் செய்திருக்க மாட்டார்கள்[9]. நான் இதுவரை எந்த பெண்ணுடனும் தொடர்பு வைத்துக் கொண்டது கிடையாது. எனக்கு சிகரெட், குடி, போதை பழக்கம் எதுவும் கிடையாது; அசைவம் சாப்பிடுவதும் இல்லை.என் மீது வீண்பழி சுமத்தப்பட்டுள்ளது”.

இந்துக்களில், நான் ஒரு மைனாரிட்டி இந்துவாக உள்ளேன்: இதன் பின்னணியில் இருக்கும் இரண்டு சக்திவாய்ந்த மனிதர்கள் யார் என்பதை நீதிமன்றத்திலும், சி.ஐ.டி., விசாரணையிலும் கூறியுள்ளேன். நடிகை ரஞ்சிதா, கோபிகா ஆகியோரை சாட்சியாக ஆக்குவதற்கு எவ்வளவோ முயற்சித்தனர். போலீசார் கூறியதில் எந்தவிதமான உண்மையும் இல்லை. இந்துக்களில், நான் ஒரு மைனாரிட்டி இந்துவாக உள்ளேன். அவர்கள் ஒட்டு மொத்த இந்து மதத்தையும் அவமானப்படுத்தும் வகையில் நடந்து கொள்கிறார்கள். சட்டவிரோதமாக என்னை கைது செய்துவிட்டு தற்போது அதை நியாயப்படுத்துகிறார்கள். இப்போதாவது அதை போலீசார் புரிந்து கொள்ள வேண்டும். சேனல் மூலம், என் தொடர்பான காட்சிகளை பலமுறை ஒளிபரப்பினர். வீடியோ காட்சியில், 2009 டிச., 25ம் தேதி, எடுக்கப்பட்டதாக காட்டப்பட்டுள்ளது. ஆனால், 2010 மார்ச் 3ம் தேதி தான் இதை ஒளிபரப்பு செய்துள்ளனர். இதன் உள்நோக்கம் என்ன. வீடியோ பதிவின் போது, காலை 8 மணி என்று காண்பிக்கிறது. ஆனால், அந்த அறையில் உள்ள கடிகாரம், 11 மணியை காண்பிக்கிறது. இதில், எதுவுமே உண்மையல்ல.

கன்னியாகுமரி முதல் கர்நாடக மாநிலம் பீதர் வரை பாதயாத்திரை: எனக்கு உலகம் முழுவதிலும் இருந்து ஆதரவு கடிதங்கள் வந்து கொண்டு இருக்கிறது. படித்தவர்கள், டாக்டர்கள், என்ஜினீயர்கள், விஞ்ஞானிகள் என 1 லட்சம் கடிதங்கள் வந்துக் கொண்டு இருக்கின்றன. தென் ஆப்பிரிக்காவின் முன்னாள் அதிபர் நெல்சன் மண்டேலாவும் கடிதம் அனுப்பி உள்ளார். அவரை போன்று பல நாட்டுக்காரர்கள் எனக்கு ஆதரவு தெரிவித்து உள்ளார்கள். வருகிற மார்ச் 2-ந் தேதியில் இருந்து 27-ந் தேதி வரை பல்வேறு மத தலைவர்கள் நேரில் சந்தித்து, ஆதரவு திரட்ட உள்ளேன். அதன் பிறகு அந்த 1 லட்சம் கடிதங்களை பிரதமர், ஜனாதிபதி, கர்நாடக முதல்-மந்திரி, கவர்னர், தமிழ்நாடு முதல்-அமைச்சர் மற்றும் கவர்னர் ஆகியோருக்கு வழங்க திட்டமிட்டு உள்ளோம்.  அப்போது எங்கள் மீதான அச்சுறுத்தல், அத்துமீறல், துன்புறுத்தல் ஆகியவற்றை தடுத்து நிறுத்தும்படி வலியுறுத்துவோம். ஏனென்றால் இன்னும் கூட எங்கள் மீது தொடர்ந்து தாக்குதல் நடத்துகிறார்கள். வெளியில் நடமாடும் எனது பக்தர்களை குறி வைத்து ஒரு கும்பல் தாக்குதலை நடத்தி வருகிறது[10]. இது ஏன்? என்று எனக்கு புரியவில்லை.  மக்களிடம் நீதி கேட்டு தமிழ்நாடு கன்னியாகுமரி முதல் கர்நாடக மாநிலம் பீதர் வரை பாதயாத்திரை செல்ல திட்டமிட்டு உள்ளேன்.

ஏசு பிறந்த தேதியில் ஏன் வீடியோ எடுக்கப்பட்டது என்று தெரியவில்லை! இயேசு பிறந்த புனித தினமான, டிச., 25 2009ஐ தேர்வு செய்ய, என்ன உள்நோக்கமோ தெரியவில்லை. அந்த தேதியை ஏன் தேர்வு செய்தனர் என்பது எனக்குப் புதிராகத்தான் இருக்கிறது! இருப்பினும், மார்ச் வரை தாமதப் படுத்தியதும், படு புதிராக உள்ளது!

உசுப்பிவிட்ட ஊடகங்கள் – பொறுப்புள்ளவை-பொறுப்பற்றவை!: “நக்கீரன் என்ற தமிழ் பத்திரிகையில், 60 முறை கட்டுரைகள் எழுதியுள்ளனர். அதில், மிகவும் மோசமான வார்த்தைகளை பயன்படுத்தியிருந்தனர். அவர்கள் மீது நான் வழக்கு தொடர்ந்துள்ளேன். பல பத்திரிகைகள் மிகவும் பொறுப்பாக செயல்பட்டன. அதில், தமிழில் தினமலர், தினந்தந்தி, ஆனந்த விகடன், ஜெயா “டிவிராஜ் “டிவிஆகியவை, பொறுப்பான செய்தி வெளியிட்டன. அவர்களுக்கு என் பாராட்டுகளை தெரிவித்துக் கொள்கிறேன்.இணையதளம், “யு டியூப்பில் என்னைப் பற்றி தான் அதிகமாக தகவல் வெளியிடப்பட்டது.எனக்கு உலகம் முழுவதும், ஒரு கோடி பக்தர்கள் உள்ளனர். உலகம் முழுவதிலுமிருந்து பல அமைப்புகள் எனக்கு ஆதரவு தெரிவித்துள்ளன”.

தமிழர்கள் தாம் கன்னடர்கள் போலத் தாக்கினர் !நூறு கோடி ரூபாய் கேட்டு இரண்டு, “சக்தி வாய்ந்த மனிதர்கள், என் சீடர்கள் மூலம் மிரட்டினர். பின், 60 கோடி ரூபாய் வரை பேரம் பேசப்பட்டது[11]. தவறு செய்யாத நான், “ஒரு பைசா கூட தர முடியாதுஎன்று கூறிவிட்டேன். இருந்தாலும், என் கவனத்துக்கு வராமலேயே, ஆசிரமத்திலிருந்தவர்களிடம் பணம் பெற்றுள்ளனர். ஆதற்கான ஆதாரங்களை திரட்டி வருகிறேன். அதனை கொடுக்காததால் அவர்கள் ஆபாச சிடியை வெளியிட்டனர். வீடியோ காட்சியைப் பார்த்த சிலர் தமிழ்நாடு, பிடதியில் உள்ள ஆஸ்ரமங்களை அடித்து உடைத்தனர். தீ வைத்து கொளுத்தினர் ஆசிரமத்தின் உள்ளே புகுந்து அடித்து நொறுக்கினார்கள். தீ வைத்தார்கள். தமிழகம் முழுவதும் உள்ள எனது ஆசிரமங்கள் மீது தாக்குதல் நடத்தினார்கள். பிடுதி ஆசிரமத்திலும் அதே போன்று தாக்குதல் நடத்தப்பட்டது. ஆனால் அதில் ஈடுபட்டவர்கள் கன்னடர்கள் இல்லை. கர்நாடகத்தை சேர்ந்த ஒருவர் கூட அதுபோன்ற செயலை செய்யவில்லை.

3 பிரமச்சாரினி பெண்களை அறையில் வைத்து பூட்டு போட்டு தீ வைத்தனர்[12]: பிடுதியில் 3 பிரமச்சாரினி பெண்களை அறையில் வைத்து பூட்டு போட்டு தீ வைத்தனர். ஆசிரமத்தில் இருந்த மற்றவர்கள் அவர்களை வெளியே கொண்டு வந்து காப்பாற்றினார்கள்[13]. இது போன்ற ஒரு பதட்டமான சூழ்நிலை நிலவியதால் எனக்கு பாதுகாப்பு அற்ற நிலை ஏற்பட்டது. அதனால் நான் வெளியில் தங்கி இருந்தேன். நான் போலீசுக்கு பயந்து தலைமறைவாக இருக்கவில்லை. நான் தங்கிய அந்த இடத்திலும் பக்தர்களுக்கு ஆசி வழங்கினேன். வெளிப்படையாக வெளியில் கடைக்கு எல்லாம் சென்று வந்தேன். அப்போது நான் கும்பமேளாவில் இருந்தேன். எனக்கு பாதுகாப்பு இல்லை என்பதால் அங்கிருந்து உடனே நான் ஆஸ்ரமத்திற்கு வரவில்லை. அங்கும் தலைமறைவாக இல்லாமல் கடைக்கும், வெளியேயும் சென்று நடைபயிற்சியும் செய்து வந்தேன். பிறகு போலீஸôர் என்னை கைது செய்தது அனைவருக்கும் தெரியும். ஆரம்பத்தில், என் ஆசிரமமும், பக்தர்களும் தாக்கப்பட்டனர்[14]. இதை செய்தது முழுக்க, முழுக்க தமிழர்களே. தமிழகத்தில் தான் அதிகளவில் தாக்குதல் நடந்தது. கர்நாடகத்தில் தாக்கப்பட்டாலும், கன்னடர்கள் தாக்கவில்லை..

நான் ஆண்மையில்லாதவன் என்று திரித்துக் கூறியது போலீஸார்தான்! கன்னடர்கள் போர்வையில், மற்றவர்கள் தாக்கினர்.போலீஸ் விசாரணையில், “ஆணையும் விட, பெண்ணையும் விட உயர்ந்த ஸ்தானத்தில் உள்ளேன்’ என, நான் கூறியதை, ஆண்மை இல்லாதவன் என்று போலீசார், பத்திரிகைகளுக்கு தெரிவித்து விட்டனர்[15]. என் மீது கூறப்பட்ட புகார்களுக்கு, எந்தவித சாட்சிகளும் இல்லை. என் பாஸ்போர்ட், வங்கி கணக்குகள் முடக்கப்பட்டன. இவை அனைத்தும் சட்டத்திற்கு புறம்பான செயலாகும். இதனால், சட்ட உதவியை நாட முடியவில்லை.வீடியோ காட்சிகளை, அமெரிக்க லேபில் பரிசோதித்த போது, இந்த வீடியோ முதலில் எடுக்கப்பட்டது முதல், தொடர்ச்சியாக பதிவு செய்யப்பட்டது எல்லாம் இருந்தால் தான், அது உண்மையா என்பதை தெரிவிக்க முடியும், என்று கூறியுள்ளனர்.

அனைத்து இந்து அமைப்புகளும் ஆதரவளிக்க வேண்டும்: உலகத்துக்கு, என் அர்ப்பணிப்பை புரிந்து கொண்டு, அனைத்து இந்து அமைப்புகளும் ஆதரவளிக்க வேண்டும். எனக்கும், என் சீடர்களுக்கும் தொந்தரவு கொடுப்பதை நிறுத்திக் கொள்ள வேண்டும்.இவ்வாறு சாமியார் நித்யானந்தா கூறினார்.

100 கோடி கேட்டது யார்?: நூறு கோடி ரூபாய் கேட்டு மிரட்டியவர்கள் யார் என்று சொல்ல சாமியார் நித்யானந்தா மறுத்துவிட்டார். பிடதி ஆஸ்ரமத்தில் நிருபர்களின் கேள்விகளுக்கு, சாமியார் நித்யானந்தா அளித்த பதில்: 

கே: உங்களை, 100 கோடி கேட்டு மிரட்டியது, தமிழக முதல்வர் கருணாநிதியா?
பதில்: இல்லை

கே: தமிழக அரசியல்வாதிகளா?
பதில்: குறிப்பாக தமிழகத்தை சார்ந்தவர்கள் என கூற முடியாது.

கே: லெனின் ஹிந்துவா? கிறிஸ்தவரா?
ப: தெரியாது. இங்கு வரும் யாரிடமும் ஜாதி, மதம் கேட்பது கிடையாது.

கே: ஆஸ்ரமம் செய்து வந்த, தர்ம காரியங்களை நிறுத்துவதற்கு காரணம் என்ன? நீதிமன்றம் தடை விதித்துள்ளதா?
ப: இல்லை. இன்னும் சில மாதங்களில் தொடரும்.

கே: நடிகை ரஞ்சிதா, லெனின் தன்னை கற்பழிக்க வந்ததாக புகார் கூறியுள்ளாரே. அச்சம்பவம் உங்களுக்கு தெரியுமா?
ப: ஆஸ்ரமத்தில் ஆயிரக்கணக்கானோர் உள்ளனர். அனைவரையும் நான் கண்காணிக்க முடியாது.

கே: ஆஸ்ரமத்துக்கு வரும் பெண்களிடம் செக்ஸ் ஒப்பந்தம் செய்யப்பட்டதா?
ப: அப்படி எந்த ஒப்பந்தமும் செய்யப்படவில்லை.

 

© வேதபிரகாஷ்

02-02-2011


[2] இந்த கும்பல் யார் என்று கூறாவிட்டாலும், அதன் பின்னணியில் ஒரு கிருத்துவ நிறுவனம் உள்ளதாக சூசகமாகத் தெரிவிக்கப் பட்டது.

[6] Choosing his words carefully, he dropped enough hints that it was Sri Sri Ravishankar of Art of Living (AOL) and the DMK leaders in Tamil Nadu behind his defamy.

[7] தினமலர், 100 கோடி கேட்டு சக்தி வாய்ந்த மனிதர்கள் மிரட்டல்: நித்யானந்தா பரபரப்பு பேட்டி, பதிவு செய்த நாள் : பிப்ரவரி 01,2011,23:10 IST; மாற்றம் செய்த நாள் : பிப்ரவரி 02,2011,00:50 IST; http://www.dinamalar.com/News_Detail.asp?Id=178663

[13] ஊடகங்கள் இதனை இரட்டடித்து இருப்பது தான், கிருத்துவர்களின் சதி வெளிப்படுகிறது. இதே ஒரிஸ்ஸாவில், தாங்கள் செய்ததையெல்லாம் மறைத்துவிட்டு, நாடகம் ஆடியதை நினைவில் வைத்துக் கொள்ளவேண்டும். அதாவது, வயதான இந்து சாமியாரைச் சுட்டுக் கொன்றதையே மறைத்து, ஏதோ கிருத்துவர்கள் தாக்கப் பட்டனர் என்ற ரீதியில் பிரச்சாரம் செய்தனர்.